2 LENGTE 1:2 - PATHIAN LEKHABU THIANGTHO (BSI)

² Ahaziah chu a pindan chungnung ah kipat a ketha’n, a liam in a kipuk tai; tichun, thupawte a sawl ah, a kiang un, “Chiau in, Ekron pathian, Baal-zebub kiang in, zia ka liamna kipat hin ka damdok diam ti vadong un,” a tia.

2 LENGTE 1:2 ပူးပေါင်းရင်းမြစ်များ

2 LENGTE 1:16

a kiang in, “Lalpa‘n zia gual hin a gen hi: Ekron pathian Baal-zebub kiang ah thu dot la guat chu Pathian umlo a hita a hem? Ziaziakchun, la zotsa Jalkhun chu nusia ta pua’n la, thi ngei ngei ding la hi,” a ti tai.

MARKA 3:22

Jerusalem lam ah kipat lekhazik hungte chun, “Belzebul tawh a kijawl un, thithate hotu a hiziak ah thithate nawdok ahi chu,” a tiu a.

MATTHAI 10:25

Nungzui chu a hotu gual ah a hung um ah, suak le a pu gual ah a hung um leh hun tawk ahi. Insung khat ah a luchang pen bawn Belzebul a tiu leh, a Insung mite chu tina lawm lawm in au e!

ISAI 37:19

chuleh, a pathianteu chule mei lak in a la se’lut piak zo tau ah, ziate chu pathian le chu a hipaw him un; mihing khutsuak, thing leh suang ah kisiam a hiziak un hisiat ah um him a hiu a.

LUKA 11:15

Himaleh, a lak ua mi khenkhat chun, “Thithate chung ah vaihawmpa, Belzebul ziak ah thithate chu nawdok thei ahi,” a tiu a.

ISAI 37:12

Ka pu leh pate’n a la hisiat uh, Gozan, Haran, Rezeph leh Telassar ah um Eden mite zosia khale a la hukdok thei pathiante a nei him him ua a hem?

2 LENGTE 1:6

Amau chun a dawnhuu ah, “Ei la lamtua dingin mi pakhat a hung ah, ka kiang un, ‘A hun sawlpa lengpa kiang in kile’kit unla, a kiang in: Lalpa‘n zia gual hin a gen hi: Israel ah Pathian a um pua a hem, Ekron pathian, Baal-zebub kiang ah thudong ding ah mi la sawl ziang hi? Ziaziakchun, la zotsa jalkhun chu nusia ta pua’n la, thi ngei ngei ding la hi,’ a tii,” a tiu a.

2 LENGTE 1:3

Himaleh, Lalpa vansawlchâk in Tishbi mi Elijah kiang in, “Kipan inla, Samaria lengpa thupawtute lamtua dingin vachia in, a kiang un, ‘Israel ah Pathian a um pua a hem, Ekron pathian Baal-zebub kiang ah thudong ding ah la chia ziang uh?’ ti’n vagen in.

1 LENGTE 11:33

kei ei nusia in, Sidonte pathiannu Ashteroth (Astarte le kiti,) Moabte pathian Khemosh leh, Ammon mite pathian Milkom a ho ta’n, a pa David hi gual ah ka lampite zui talo in, ka mit mu ah thil dik hi’dingte, ka thugelte leh ka dan bawlte vop talo ah a um ziak ahi.

NASEPTE 20:9

Tangval pakhat, a min Eutikas kiti chu tukvan in a kichu. Paul thugen chu a sawt bêk tâk ziakin, a la ipmu vuang ta’n; zia Insawng thumna kipat chun a ketha’n, a thisa’n a vaphongdok tau a.

SOLOMON LÂ 2:9

Ka hepi chu sakêl tawhbang leh, zukchal tuai tawhbang ahi. En in, bâng pawlam ah dingin, tukvan ah kipat In sung a hun en in, vathakal awngkâl inle, a hun en vêl vêl hi.

JOB LEKHABU 31:3

Midiklote chung ah vangsiatna leh, dukdak lo tak ah bawlte chung ah, siatna tung lo ding a hem?

1 LENGTE 22:34

Himaleh, mi pakhat in a thalpi chu a luai ah, tup chuam nei lo ah a kâp leh, Israelte lengpa chu a phawpi tawh a awmphaw kikâl in a kâp kha ta’n; tichun a kângtalai pu kiang in, “Kihei kual inla kido’na kipat ei puidok in, ka liam tai,” a tia.

1 LENGTE 14:3

Vaithum chûn sawm tawh vaithum kan peite leh khuaizu thawl khat tawh chawi inla, a kiang ah vachia in. Naupang hi bang a hung ti diam ti hun hil in ah, a tia.

1 SAMUEL 5:10

Ziaphatchun, Israelte Pathian thuthung thingkuang chu Ekron lam a tut kit tau a. Himaleh, Ekron khua Pathian thuthung thingkuang puak tung ahi phatin, Ekron khua mite chu a kikojak un, “Bang dingah kei haw leh ka mi teu that dingah Israelte Pathian thuthung thingkuang la hun puak lut uh a hem?” a tiu a.

VAIHAWMTE 11:24

La pathian uh Khemosh in a hun piakna tiang tiang chu la lua mai ding hilo a hem? Chun, kei unle Lalpa, ka Pathian un kei uh â ding ah ei zaw piakna tiang tiang chu ka lua mai ding uh hilo a hem?

VAIHAWMTE 5:28

Sisera nu’n tukvan in a thîl zing ah, bâng awngkâl in a en zing ah: “Bang ding ah a kângtalai hung tung hak a ta dia aw? Bang ding ah a kângtalai keng git kihe nai lo ahi dia aw?” a ti’n.

ISAI 2:6

Aw Jakob Inkuan ah mite haw, la mipiteu lampi chu la kihei mangsan ta’ngâl un. Amau chu vang Philistinte gual ah âisân thiam leh, sualam gam ah mitvaidawi thiamte ah dim, gam dang mite tawh kizop matte a hiu.

JOSHUA 15:11

Ekron mallam tâng ah kithungto in, Shikke-ron kual khum in a kihei ah, Baa-lah tâng lam hawtheng in, Jabneel lam in a hung pawtdok ah; tichun, Tuisuagiat in a tawp tai.

1 LENGTE 22:40

Ahab chu a pu leh pate kiang in a ipmu ta’n; a chapa Ahaziah in a tha a sâng tai.

2 LENGTE 17:16

Tichun, Lalpa a Pathian uh thupiakte chu zui talo in, milim sunthaw bawngno lim pani leh dawikhuam a hun siam ua; van ah umte zosia a hun ho ua, Baal nâte a hun sêm tau hi.

ISAI 19:3

Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;