2 KHANGTHU 9:8 - PATHIAN LEKHABU THIANGTHO (BSI)

⁸ Lalpa la Pathian, la chung in a lungdam ah, a lengpa hiding ah lalchutpha hun kichutsakpa Lalpa la Pathian chu pâk in um ta hen! La Pathian in Israelte a lungsiat ziakah kumtuang ah phudet a guat ziak in, nangma hile a chung ua dik takah vaihawm dingin, leng ah a hun pansak ahi ngâl a,” ti’n a gen a.

2 KHANGTHU 9:8 ပူးပေါင်းရင်းမြစ်များ

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

1 LENGTE 10:9

La chung ah kipak ah Israel lalchutpha hun chutsakpa, Lalpa la Pathian chu pâk in um ta hen! Lalpa chun Israel kumkhua a hepi ziakin, diktatna leh thutanna bawl dingin, nang leng in a hun siam ta ahi,” a tia.

1 LENGTE 3:28

Israel zosia chun lengpa thutan dan chu a la hiau ah, lengpa chu a ja zaw diak tau hi; thu dik tak ah tantheina ding ah Pathian pilna chu ama ah a um hi ti a mu tau hi.

1 KHANGTHU 17:22

Chuleh, la mipi Israelte hi kumtuang ah la mipi hiding in la la siam ta’n; chuleh, nangma chu aw Lalpa, a Pathian uh la hi,” a ti tai.

1 KHANGTHU 28:5

Lalpa‘n chapa tam tak ei piakte lak in, Lalpa lenggam ah Israelte chung ah lalchutpha kichu dingin Solomon chu a têl in.

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

1 KHANGTHU 29:23

Ziaphatchun, Solomon chun a pa David leng hi’na chu lua in, Lalpa lalchutpha chun a kichu ta’n; a hung lamzang pek ah, Israel zosia’n a thu a mang chiat tau hi.

2 KHANGTHU 13:8

Aleh, tu’hin nang in mipi tam tak leh Jeroboam in la pathian ding ua sana bawngno lim a siamte chu kisuanpi in, Lalpa‘n lenggam David chate khut ah a la piaksa hi lâkpiak zo ding ah kinem la hiu em?

2 KHANGTHU 2:10

Thingtan ah pang la nasêmte kiang ah chun gehu bu hekbuansa te’na kor sîng ni tawh, barli bu tê’na kor sîng ni tawh, uain thawl bath sîng ni tawh, sathau thawl bath sîng ni le pia’ng ka,” ti in.

2 KHANGTHU 2:11

Ziaphatchun, Tura Lengpa Huram chun Solomon kiang in lekha a thot a: “Lalpa‘n a mipite a lungsiat ziakin a chung ua leng ah pang dingin nang chu a hun guat ahi,” a tia.

2 KHANGTHU 9:7

La mite chu a hampha nau e! La pilna thu ngaitha zing kawmah la nasêm ah pang, zia la suakte hile a hampha nau e!

2 KHANGTHU 9:9

Ziaphatchun, lengpa kiang in sana talent za leh sawmni tawh, thil gimtui tam tak tawh suang mantam le a pia tai; Sheba lengnu chun Lengpa Solomon kiang ah thil gimtui a piak tuk ah tam hi a um kha puai.

SAM 18:19

Ama’n mun awngthawl takah ei puidok a; ka chung ah a lungkim ziakin ei hukdok tai.

SAM 22:8

“Lalpa chung ah kinga ta’n la; ama’n hukdok hen la, a kipakna lam bawlte chu, hukdok leh hiding a pom!” a tiu a.

SAM 72:2

Dikna’n la mite chung ah vaihawm hen la; genthei thuakte chu dik tak in vaihawm piak hen.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

THUPILTE 29:4

Thu dik ah vaihawmna’n lengpa’n a gam sung a phudet in, du-âm ziak ah gik tak ah liausaktu chun, a gam a kai chim sek hi.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

DAN LEKHABU 7:8

Lalpa‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, Lalpa‘n a khut hât tak in a hun pui daw la hi zawu hi.