2 KHANGTHU 9:4 - PATHIAN LEKHABU THIANGTHO (BSI)

⁴ a annêkna dawkan ah kiluite, a gam vaihawmpite chutkhawm dante, a suak nasêmte sep dan haw leh a sil a chênteu, a no domte leh a kichei danteu leh Lalpa In ah a hâlmang thillatte chu a mu phât in, a ngaitua sêng ta puai.

2 KHANGTHU 9:4 ပူးပေါင်းရင်းမြစ်များ

1 LENGTE 10:5

a dawkan ah an haw, a miliante chutna haw, a suakte nasep dan leh a kicheidan teu, a tuanvaite; chuleh, Lalpa In ah hâlmang thillat ah a latte chu a mu in, a chu a hatsam hial ziang tai.

1 LENGTE 5:2

Solomon in Hiram kiang in zia gual hin thu a thot a:

1 LENGTE 5:3

“Ka pa David in, a kîmvêl ah a mêlmate Lalpa‘n a kengpêk nuai ah a koi tiang in a la kidopi ziakin; Lalpa a Pathian min ding ah In a la sak piak thei talo ahi dan la he hen.

2 LENGTE 16:18

Tichun, In sung ah chawlni’ um chuamna ding ah a bawl uh tawh, a pawlam ah lengpa hung lutna ding a bawl uh chu Lalpa In ah kipatah chun Assuria lengpa lungdamna dingin a hun hei danglam tau hi.

1 KHANGTHU 9:18

tu’ma lam ah khan amau chu lengpa kotpi sualam pang ah a la um sek a hiu hi. Ziate hi Levite giabuk kotkhak vêng ah pangte chu a hiu.

2 KHANGTHU 23:13

a et leh, kotkhak bul, sûtpi bul ah sepai hotu liante leh pengkul mutte lak ah lengpa ding chu a mu ta’n; chuleh, a gam sung ah mipi zosia kipak tak ah pengkul mutte leh La sate’n lengpa lawm ah thil gihawi chitin tawh kithuate chu a mu tai. Athaliah in a puan a botthêk ah, “Kidawha bawlna! Kidawha bawlna!” ti’n a kiko a.

2 KHANGTHU 9:3

Sheba Lengnu chun Solomon pil dante, a In sakte,

2 KHANGTHU 9:5

Tichun, lengpa kiangah chun, “Ka gam lam ua la thilbawlte leh la pildan ka la het kha a la dik ma ma na hilam;

NEHEMIAH 1:11

Aw Lalpa, la suakpa pauchapna leh, la min kija’na taphot ah kipak sek la suakte pauchapna hi a la ngaitha’n la; tu’ni ma ma hin la suakpa hi lawtinsak in; zia mipa mit mu ngei ah hin la ja’ngaina chansak ngâl ta’n!” ti’n ka pauchap tai. Zia hun ah chun lengpa dawn ding pia ka pan lai tak ahi.

SAM 119:81

La hukhinna ngai in ka hinna hi a chautha tai; la thu chu ka kinepna ahi.

SAM 143:7

Aw Lalpa, ei dawnhu kin in; ka thagau basam ding ahi tai. La mai ei sêl mangsan kin la, achutiloleh, mithi khua, lûtsukte gual mai in um kha’ng ka.

THUPILTE 9:5

“Hung unla, ka vaithum hi hung neu inla, ka uain heltuaksa hile hung dawn un.

SOLOMON LÂ 5:8

Aw Jerusalem ah nungakte haw, ka lawmnu chu la muu leh, zia hi ei hun gen piak dingin, ka hun ni la hiu: Ama ngai ah thakhamvei ka hi.

EZEKIEL 44:3

Vaihawm lengpa bep Lalpa âng ah vaithum ne dingin a kiang ah kichu thei in a; a hulliap kotkhak ah lût intin, zia chun a pawt kit ding ahi,” a hun ti’n.

EZEKIEL 46:2

Lengpa chu hulliap lam ah kipat hung lût in, kotbul ah khuam kiang ah chun ding hen. A hâlmang thillat tawh, a kichamna thillatte chu thiampu’n lat piak intin, ama chun kotbul ah kipat bokkhup in ho ta’n tin; chuleh, pawtdok kit ta’n a. Himaleh, kotpi chu nitâk masia khâk lo ding ahi.

DANIAL 10:17

Bangti’n ka Lalpa suak hin ka Lalpa chu ho thei ding ka hi tam? Kei la kithing in, tha leh zung him him ka nei ta puai,” ti’n ka dawnhu a.

MATTHAI 6:29

himaleh, ka hil la hiu, Solomon hial le a lopina zosia ah a kithuam khan, ziate lak ah pakhat tuk zo hinle jem in a um puai.

LUKA 12:37

A puu a hung phat ah, kigingsa a la um zing a suakte chu mi hampha ahi nau e! Titakzet in ka hil la hiu, zia gual mi chu a kawnggâk sa’n a um in, an ne dingin a kichutsak in, a hung pawt ah, a nêk leh châk ding bawl in a um sek hi.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

THUPUAN 3:20

Ngaitia, kotkhak bul ah dingin ka kiu zing hi; kuale ka aw hia, kot ei la hon chu a kiang ah lut ing ka tin, a kiang ah jan an ne’ng ka tin, ama’nle kei kiang in ne’n a.