2 KHANGTHU 9:21 - PATHIAN LEKHABU THIANGTHO (BSI)

²¹ Lengpa long haw chu Huram suakte tawh Tarshish lam in a chia khawm sek un; kum thum zaw phat leh Tarshish lam ah long chia sek haw chu sana, dangka thik, saiha, jawng leh vahuangte hun pawkhawm in a hung tung kit bep sek ui.

2 KHANGTHU 9:21 ပူးပေါင်းရင်းမြစ်များ

1 LENGTE 10:22

Lengpa chun Tarshish long honte chu tuisuagiat ah Hiram long honte chu tawh kiton in a nei a. Tarshish long honte chun kum thum dan ah khatvei sana, dangka, saiha, guldute leh vahuangte pua’n a hung sek ui.

1 LENGTE 22:48

Jehoshaphat in Ophir ah chia ah sana vapua dingin Tarshish longlian chi gual a bawl a; himaleh, long liante chu Ezion-geber ah a siat tak ziak un a chia ta puau hi.

2 KHANGTHU 8:18

Huram in a suakte lakah tuisuagiat hethiamte chu a longteu tawh a sawl ah. Solomon suakte tawh Ophir lam in a chiau ah; zia gam ah sana chu talent za li leh sawmnga a va puau ah; ziate chu Lengpa Solomon kiang in a hun tut sek tau hi.

2 KHANGTHU 9:20

Lengpa Solomon no haw chu sana ngen ah kisiam ahi’n, Lebanon Gammâng Pindan sung ah ûm leh bêl zosia chu sana thiang ah kisiam ngen ahi; Solomon dam sung in dangkathik chu bangma’n a ngai puau hi.

JOB LEKHABU 39:13

Vasakol in lim tak in, a tha jap thei maleh, a thaveng mul a um puai.

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

JEREMIAH 10:9

Tarshish ah kipat in dangka kisek a hun puau ah, Uphaz ah kipat in sana a hun puau hi. Ziate chu mi khutthiamte khutsuak leh, sana sêkte siam a hiu; a kithuamnau puante chu, a dum leh a sandup ahi’n; mi khutthiamte khutsuak ngen ahi.

EZEKIEL 27:12

La hausatna thupi tak ziakin, Tarshish tawh sumkawlveina’n la kikopvâi un; la thil siamdawteu man dingin, dangka thîk, thîk tak, langva thîk leh hâkngêkte a hun piau hi.

EZEKIEL 27:15

Dedan mite’n le sumkawl a hung vei un; tuisuagiat pang ah gam tam takte hi la sumkawlveina mun a hiu; la van uh tawh then dingin saiha leh selseu gilte a hun puau hi.

JONAH 1:3

Himaleh, Jonah chu Lalpa ah kipat in Tarshish lam zuan ah tai mang gua’n a kipandok ta’n, Joppa khua’n a chia suk a; Tarshish lam zuan ding long pakhat a mu’n, a chuanman ding a pia, Lalpa âng ah kipat tai mang gua’n, Tarshish lam zuante tawh kiton ding in a chuang tai.