2 KHANGTHU 8:14 - PATHIAN LEKHABU THIANGTHO (BSI)

¹⁴ Chuleh, a pa David in a la guat dungzui in, thiampute sep ding haw chu a pawl pawl in a guat piakah; Levite chule pâkna La sa ding pawl, nisi’n ah thiampute mawpuakna dungzui ah pang dingte leh, kul kotkhak chuam chuam veng dingte chule a pawl pawl in a guat ah; zia gual ah chu bawl dingin Pathian mi David chun thu a la pia ta him ahi.

2 KHANGTHU 8:14 ပူးပေါင်းရင်းမြစ်များ

2 SAMUEL 23:2

Lalpa thagau in keima kipat thu a gen ah, a thu ka lei ah hin a um hi.

1 LENGTE 13:1

Jeroboam chu mâichâm kiang ah gimtui lân ding ah a din lai tak in, Judai gam ah kipat in Pathian mi pakhat, Bethel ah Lalpa‘n a hun sawl a,

1 KHANGTHU 16:37

Nisi’n ah a poimaw dungzui zel ah Pathian hona nasem ah pang den ta ding in, Asaph leh a bête chu Lalpa thuthung thingkuang âng ah chun David in a nusia ta’n,

1 KHANGTHU 16:42

Heman tawh Jeduthun chun La thiangtho haw chu a saknau ah a matchâk ding un, pengkulte leh dakkhutbette chule a nei ui. Kotpi veng dingin Jeduthun chate chu a guat ui.

1 KHANGTHU 23:1

David chu a upat ah, a damsung nite a bukim phatin, a chapa Solomon chu Israelte chung ah leng ah pang dingin a koi tai.

1 KHANGTHU 24:1

Aron suan ah mite nasep thilbawl ding kigual tuak dan chu zia gual hi a hi. Aron chate chu: Nadab, Abihu, Eleazar leh Ithmar a hiu a;

1 KHANGTHU 24:3

Eleazar chate lak ah Zadok tawh, Ithmar chate lak ah Ahimelekh chu a kithuapi dingin a mawpuakna ding uh David in a guat tai.

1 KHANGTHU 25:1

David tawh a sepai hotu liante haw chun, Asaph, Heman leh Jeduthun chate lak ah kipat in theile, tingtang leh dakkhutbette mangcha thugen ding leh pâkna La sa dingte le a guat un. Zia mawpuakna neite min leh a mawpuaknau chu zia gual hi ahi:

1 KHANGTHU 26:1

Kotkhak vêngtute mawpuakna kihop dan chu zia gual hi ahi: Korah Inkuan lak ah kipat chun Asaph phunggui ah mi Kore chapa Meshelemiah a pang a,

1 KHANGTHU 28:19

Zia haw zosia bawldaw ding dan Lalpa thupiak dungzui ah zikdok in, ka kiang ah kichian tak in ei hil tai, a tia.

1 KHANGTHU 9:17

Kotkhak vêng ah pangte chu: Shallum, Akkub, Talmon, Ahiman; chuleh, a chanau uh Shallum chu a hotu pen ahi;

1 KHANGTHU 9:24

Kotkhak vêngte chu ki-ângngat tua chiat in sualam, tumlam, mallam leh simlam in a pang un;

2 KHANGTHU 23:19

Lalpa In sung ah mi thiang lo kuama a lutlona ding ua vêng dingin, kotkhak bul tin ah chun a vêng dingte chu a koi tai.

2 KHANGTHU 23:4

Zia gual hin la bawl diu ahi: Sabbath ni’ nasêm ding ah thiampute leh Levite lak ah se’thum sua a se’khatte chu kotkhak vêng in pang un la,

2 KHANGTHU 29:25

Lalpa‘n a jawlneite thu a la piak dungzui ah David tawh Lengpa thiamgau Gad tawh jawlnei Nathan in thu a la piak dungzui un, Lalpa In ah Levi mite chu a vai khutbetteu, a guipekteu leh a pekkhuangteu tawh a um densak tai.

2 KHANGTHU 31:2

Thiampute leh Levite chu a pawl pawl un, a sepnau dungzui chiat leh a sep dan dungzui chiat un Hezekiah chun a hawm jak ah; thiampute leh Levite chu hâlmang thil lân dingte, kichamna thil lân dingte, Lalpa huang kotbul ah choihoina La sa ding leh kipak thu gen dingte in a hawm gual a.

2 KHANGTHU 35:10

Biakna a hun pat phat un thiampute le amau mun chiat in a ding un, Levi mite chule lengpa thupiak dungzui in, a pawl pawl in a hung pang tau a.

2 KHANGTHU 35:15

Asaph suan ah mi La sate chule David, Asaph, Heman leh lengpa thiamgau Jeduthun te thupiak gual in, amau panmun ding chiat in a pang tau a. Kotkhak vêngte chule kotkhak bul tin in a pang chiat un, amau thasâng ah a chipiteu Levite chun kithoina a la lat piak ziak un, kuama a sepnau sukbuai in a um puau hi.

2 KHANGTHU 35:4

Israelte Lengpa David in a la zik dungzui leh, a chapa Solomon in bawl ding dan a la zikdaw dungzui in, la pu leh pateu Inkuan dungzui ah a pawl pawl ah la kihop gual ua sêm ziang thei dingin kisazosa’n um un.

2 KHANGTHU 5:11

Mun thiangtho ah kipat thiampute a hung pawt daw phat ua chun, (zia tak ah thiampu umte zosia chu, amau pawl bîk ah kichuam bawlna umlo ah kilân thiangthosa a hiziak un;

2 KHANGTHU 8:15

Thiampute hi’n, Levite hileu lengpa thupiak chu, sum leh pâi lam thu natiang in kuama’n a ngaisak lo ngam puau hi.

EZRA 6:18

Tichun, Mosi lekhabu kizik dungzui in, Jerusalem ah Pathian hona nasêm dingin thiampute chu chan a kihawm ua, Levite le a panmun chiat un gual tuak a hitau hi.

NEHEMIAH 12:24

Chun, Levite lak ah hotute chu: Hashabiah, Sherebiah leh Kadmiel chapa Jeshua lawi a pawl pawl in a kisiam un. Pathian mi Lengpa David in thu a la piak tawh kituak in, pawl nite chun hun khat ah Pathian pakcha leh kipak thu gen in a kidawngtuau a.

NEHEMIAH 12:25

Ziate hi kotkhak bul ngâkte lak ah thawlawm pindan vêngte chu a hiu a: Mattaniah, Bakbukiah, Obadiah, Meshullam, Talmon leh Akkub.

NEHEMIAH 12:36

a chanauteu, Shemaiah, Azarel, Milalai, Gilalai, Maai, Nethanel, Judah leh Hanani, Pathian mi David in a tumgit sekte chu chawi in a zui un, lekha zikpa Ezra chu a mapui in a pang hi.

LUKA 1:5

Judea gam ah Leng Herod lal lai in, Abijah thiampu chi ah mi, thiampu pakhat a min Zekhariah kiti chu a la um a; a ji chu Aron chanute lak ah mi, a min Elizabeth ahi.

LUKA 1:8

Chuleh, ama sep hun ahi dungzui ah thiampu na a sepna hun ah chun, Pathian kiang ah nasem in a um a.

NASEPTE 13:22

Ama a hun paithâk nung in, David chu a leng ding un a hun pia ta’n. Ama chung thu ah chun, ka lung lam tak, ka doidan hi’piting thei ding mi, Jesse chapa David chu ka mudok tai, a tia.

NASEPTE 13:36

Ahi’n, David in Pathian lungtup dan tak ah ama khang sung ah na a sep nung in, a la ipmu ta’n, a pu leh pate kiang ah vui in a um ah, a muat mang tai;

DAN LEKHABU 33:1

Pathian mi matchâk Mosi in a thi masang in zia a nuai ah maljawlna gual hin Israelte chu a maljawl a: