2 KHANGTHU 8:13 - PATHIAN LEKHABU THIANGTHO (BSI)

¹³ ni si’n ah lat ding bituk dungzui in, sabbath ni, thathak ni, kût hunbî nei, kum khat sung ah thawipanglo kût thumvei, hapta kût, bawkcha kût nite leh hâlmang thillatna chu a lân tai.

2 KHANGTHU 8:13 ပူးပေါင်းရင်းမြစ်များ

1 LENGTE 9:25

Solomon in, Lalpa âng in gimtuite a hâl ah; Lalpa â ding ah mâichâm a siam ah chun, hâlmang thilpiakte leh chamna kithoinate kum khat in thumvei a lân sek ah. Tichun, In chu a sa zo tai.

2 KHANGTHU 2:3

Solomon in Tura gam ah Lengpa Huram kiang ah mi sawl in, “Ka pa David in a chênna ding In a sakna dingin sidar thing la hun pia ta hen.

NEHEMIAH 8:17

Tichun, saltâng hung pawt kit zosia chun, bawkcha te chu siam in a chêng tau ah; Nun chapa Jeshua hun ah kipat khan zia gual chu Israel mipite’n a bawl khâk nai lo uh ahi. Tichun, kipakna nasa tak a um tai.

PAWTDAWNA THU 34:22

Hapta kût la mat diu a hia, gehu bu ga masa lakkhawmna kûtle kumtawp ah bu lak khawm zaw phat leh pawltâk kûtle la mat ding uh ahi.

PAWTDAWNA THU 34:23

Kum khat sung in la lak ua pawsal zosia chu Lalpa la Pathian uh, Israel Pathian âng ah thumvei la hung kilat sek ding uh ahi.

EZEKIEL 45:17

Israel Inkuante â ding ah nibîk zosia, kût nite, tha thak nite, sabbath nite ah hâlmang thillat ding, thâi thillat ding, dawnchi thillat ding zosia chu, vaihawm lengpa mawpuakna ahi. Ama’n a gitlo thoina ding, thâi thillat ding, hâlmang thillat ding leh kichamna thillat ding zosia tuak in, Israel Inkuante zosia kitatna a bawl ding ahi.

DAN LEKHABU 16:16

Lalpa‘n a guatna ding mun ah chun, pawsal zosia kum si’n ah thumvei a vakilâk sek ding uh ahi; thawipanglo kût bawl hun tawh, Hapta Kût bawl hun tawh Bawkcha Kût bawl hun ah te hin. Lalpa ma âng ah khutngawn in a vakilak lo ding uh ahi;