2 KHANGTHU 7:6 - PATHIAN LEKHABU THIANGTHO (BSI)

⁶ Thiampute chu a mun ding chiat un a ding un; Levite chunle Lalpa ma ah a thil githei tum dingteu chu a chawi chiat ua. Lengpa David in Lalpa choihoina dingah: “A ngilneina chun kumtuang a dai hi,” ti ah La a la guanggal dungzui in, amau tawh kimai ngat tua in, thiampute chun pengkul a hun mut tauah; ziaphatchun, Israel mipi zosia le a dingdok chiat tau hi.

2 KHANGTHU 7:6 ပူးပေါင်းရင်းမြစ်များ

1 KHANGTHU 13:8

David tawh Israel mipi zosia chu La sa kawm in, lilute, tumgitte, vai khutbette, gawsemte tawh pengkulte mût in, a theitawp uh sua in Pathian âng ah chun a lâm tau ahi.

1 KHANGTHU 15:24

Thiampute lak ah Shebaniah, Joshaphat, Nathanel, Amasai, Zekariah, Benaiah leh Eliezer cheng hi, Pathian Thuthung thingkuang ma-âng ah pengkul mût dingah guatdaw a hiu ah, Obed-edom tawh Jehiah chule thuthung thingkuang umna kotkhak vêng ah pang dingah guat a hiu hi.

1 KHANGTHU 16:34

Lalpa chu a pha ngal ah, a kiang ah kipak thu gen un; a ngilneina’n kumtuang a dai hi.

2 KHANGTHU 23:18

Jehoiada chun Mosi Dan lekhabu kizik dungzui in, lim takah La sa kawm ah David in Lalpa In ah Lalpa kiang ah hâlmang thilpiak lân ding ah a la guatsa, Levi thiampute mapuina sêm dingin, David in thu a la piak gual ah Lalpa In veng dingte chule a guat tai.

2 KHANGTHU 29:25

Lalpa‘n a jawlneite thu a la piak dungzui ah David tawh Lengpa thiamgau Gad tawh jawlnei Nathan in thu a la piak dungzui un, Lalpa In ah Levi mite chu a vai khutbetteu, a guipekteu leh a pekkhuangteu tawh a um densak tai.

2 KHANGTHU 29:27

Ziaphatchun, Hezekiah in mâichâm ah chun hâlmang thillatte chu lân dingin thu a pia. Hâlmang thillat a piak phat un, Israelte Lengpa David thilgitheite chu tawh, pengkulte chu thua in, Lalpa pâkna’n La a sa pan ngal un.

2 KHANGTHU 5:12

thiampute dan ah La sa pawlte: Asaph, Heman, Jeduthun leh a chateu leh a Inkuanteu zosia, puan malngat ah kithuam ah, vai khutbette, theilete leh lilute chawi kawm ah, mâichâm sualam kâi ah thiampu pengkul mutte za khat leh sawmni chu tawh a ding khawm ui.)

2 KHANGTHU 5:13

Pengkul mutte leh La sate mawpuakna chu: Lalpa pâkna leh kipak thugenna ding ah a thil githeiteu chu pakhat git gual ah hiat thei ding ah tumgit ahi, pengkul leh vai khutbette leh thil tumgit thei zosia tawh a awu hun sua in: “Ama a phat ziakin, a ngilneina chunle kumtuang a dai hi,” a tiu a; Ziaphatchun, Lalpa lopina sûmpi chun In chu a hun lua dim tai.

2 KHANGTHU 7:3

Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

2 KHANGTHU 7:5

Lengpa Solomon in, kithoina dingin bawngchal sîng ni leh sang ni tawh, belam nuai khat leh sîng ni a lân a. Zia gual ah chun lengpa tawh mipite zosia chun Pathian In latna chu a bawl tau a.

EZRA 6:18

Tichun, Mosi lekhabu kizik dungzui in, Jerusalem ah Pathian hona nasêm dingin thiampute chu chan a kihawm ua, Levite le a panmun chiat un gual tuak a hitau hi.

SAM 106:1

Lalpa chu pâk un! Aw Lalpa kiang ah kipak thu gen un, ama chu a pha ngal a; a ngilneina’n kumtuang dai ding ahi ngal a.

SAM 107:1

Aw, Lalpa kiang ah kipak thu gen un, ama chu a pha ngal ah; a ngilneina’n kumtuang a dai ngal a.

SAM 138:8

Lalpa‘n kei ding ah a thiltup chu, mualsua têi intin; aw Lalpa, la ngilneina det chun kumtuang dai in a. La khut nasepte haisan kin.

SAM 87:7

La sa mite leh lâm mite zosia chun kigual tak in, “Ka tuinâk zosia chu nangma ah um ahi,” ti’n au.

ISAI 52:6

Ziaziakchun, ka mipite’n ka min hun he ta’n tiu in; zia hun phat chuleh, a kiang ua thugen chu keima ka hi ti hun he ta’n au; keima a genpa chu zia hin ka um hi.

AMOS 6:5

tingtang tawh thâtbeina La sa’n, David gual ah thil gi hoite kisiam ah;

JOSHUA 6:4

belamchal kî pengkul sagi chu thiampu sagite chun khat chiat ah chawi in, thuthung thingkuang jawnte ma-âng ah chun a chia ding uh ahi. A ni sagi tin ni leh zia khawpi chu sagivei vêl suak unla, thiampute chunle a pengkul uh mût chiat uh hen.