2 KHANGTHU 7:21 - PATHIAN LEKHABU THIANGTHO (BSI)

²¹ Chuleh, zia In choisân ah um hile, a kiang hun haw kha tapo in lamdang sa tak in, bang ding ah Lalpa‘n zia gam leh zia In hi a hiti bawl lawm lawm ziang ahi tam! hun ti ta’n au.

2 KHANGTHU 7:21 ပူးပေါင်းရင်းမြစ်များ

2 KHANGTHU 29:8

Ziaziakchun, Judai gam leh Jerusalem khua chung in Lalpa a lungna ta’n; tichun, tu’ni la mu gual un, mite tizat, maksak leh simmaw in a umsak ta’n ahi.

JEREMIAH 13:22

La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

JEREMIAH 19:8

Chun, zia khawpi hi tizat um tak leh etzaw umlo tak in siam ing ka tin; a haw kha tapo in a siatnau huaisia tak ziak ah tiza’n, eulau khum chiat ta’n au.

JEREMIAH 22:28

Zia hi bêl sesa, kuama’n bangma a ngai lo leh, kuama’n a dawi tâk lo uh, Koniah kha hilo ahi em? Bang ding ah ama leh a suan leh pâkte chu, a het ngai lo nau gam ah, nawdaw ah um ziang a hitau em?

JEREMIAH 22:5

Himaleh, zia thute hi la ngai lo ua leh vang, zia In hi a hawm ah nutsia in hung um tei tei ding ahi, ti’n Lalpa‘n keima min in ka kihaksial hi, ti’n a gen hi.

JEREMIAH 49:17

Edom chu mite tizat hung hi’n ah; a kiang haw tapo in tiza’n, a siat nasat ziakin mak sa’n au.

JEREMIAH 5:19

Chuleh, la mipite’n bang ding ah, Lalpa I Pathian un zia zosia hi, I chung ua hun tunsak ahi dia aw? ti ah a hun dot phat ua leh a kiang un, “Keima ei nusia in, la gam sung un pathian dangte lei hosan tâk ziak un; la gam uh hilo ah chun, nam dangte na sep piak ta’n lau,” ti’n gen in a tii.

JEREMIAH 50:13

Lalpa a chung ah a lungnat ziakin, kuama chên lo’na leh a hawm ah nutsia hung hita’n a; Babulon haw kha taphot in tiza’n, a beliamna zosia ziakin cheksa’n au.