2 KHANGTHU 7:17 - PATHIAN LEKHABU THIANGTHO (BSI)

¹⁷ Nangma la hileh, la pa David gual ah ka ma-âng ah la um zingah, ka thupiak dungzui ah ka thuguatte leh ka vaihawmna dante chu la vop zing chun,

2 KHANGTHU 7:17 ပူးပေါင်းရင်းမြစ်များ

1 LENGTE 11:38

La kiang ah ka thupiak zosia la ngaithâk ah, ka lampite la zui ah, ka suak David gual ah, ka thupiakte leh ka thugelte la vop ah, ka mit mu thil dik la bawl chun, hun umpi ing ka tin, David â ding ah ka bawl piak gual in, Inkuan mi bei talo ding hun bawl piak ing ka tin, Israelte hi hun pia ding ka hi.

1 LENGTE 2:3

Khoi ah le la kiheina zosia la lawtin theina dingin, Lalpa la Pathian thupiak vop inla, a lampi dan zui ding, a thuse’te vop ding, a thupiakte, a dan bawlte, a thu hiatsakte, Mosi Dan ah a zik gual in zui in.

1 LENGTE 3:14

La pa David in a bawl gual ah, ka thupiakte leh ka thuse’te jawm ding ah ka dante la zui chun, la dam sung nite le hun suksau piak ding ka hi,” a tia.

1 LENGTE 8:25

Ziaziakchun, aw Lalpa, Israelte Pathian, la suak, ka pa David kiang ah, ‘La chate a chit thei ua, ka ma ah la um gual ah a um ua leh, Israelte lalchutpha kichu ding mi ka ma-âng ah tasam lo ding la hi,’ ti ah la thutiam kha guitun in.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 6:16

Aw Lalpa, Israelte Pathian! La suakpa, ka pa David kiang in, La chate chun nangma gual ah ka lampite chingthei tak ah a zui ua, a lampiteu a zuikhial lo ua leh, nangma golua ah Israelte lalchutpha kichu ding mi tasam lo ding la hi, ti ah la la thutiamsa kha vopdet zing inla;

2 KHANGTHU 7:16

Kumkhua ka min a umna dingin zia tak mun hi ka la guat chuam ta’ngal ah; ka mit leh ka lungthim zia tak ah chun um den ta ding ahi.

2 KHANGTHU 7:18

la pa David kiang ah, Israelte chung ah vaihawm ah pang ding, suan leh pâk tasam pua’n la, tiah thuthung ka la siam dungzui in, la lenggam lalchutpha hi sudet ding ka hi,” a tia.

SAM 105:45

a thuguatte a zui ua, a dan thute a vop phat theina ding un. Lalpa chu pâk tau in!

SAM 119:5

La thuguatte chu zawm dingin ka umdante hi, det ta maijen leh ka ti ngei!

EZEKIEL 36:27

La sung ah ka thagau koi ing ka; tichun, ka dante hun zuisak ta’ng ka tin, ka dan thuguatte chingthei tak in zui ta’n la.

ZEKARIAH 3:7

“Sepai honte Lalpa chun zia gual hin a gen hi: Ka lampite la haw zing ah, ka thupiak dungzui ah la um zing chun, ka In sung vaihawm in pang in la ti’n, ka In huang sung ah thuneina chang inla; tichun, zia tak ah la ma-âng ah dingte lak ah hin, chiatua lumlet theina le hun pia’ng ka.

JOHAN 14:21

Kuale ka thupiakte nei ah jawm chu, keima ei hepi ahi’n; kuale, keima ei hepi chu, ka Pa’n le hepi ding ahi, keima’nle ama chu hepi ing ka tin, a kiang ah kimusak ding ka hi, a tia.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

DAN LEKHABU 4:40

Nanghaw leh la nung ua la tû leh chateu â ding ah thilpha ahi theina ding leh, Lalpa la Pathian un a hun piakna gam ah la um sawt theina ding un, tu’ni ka thupiak dungzui ah hin ama dan leh a thupiakte chu zawm tau in.