2 KHANGTHU 7:16 - PATHIAN LEKHABU THIANGTHO (BSI)

¹⁶ Kumkhua ka min a umna dingin zia tak mun hi ka la guat chuam ta’ngal ah; ka mit leh ka lungthim zia tak ah chun um den ta ding ahi.

2 KHANGTHU 7:16 ပူးပေါင်းရင်းမြစ်များ

1 LENGTE 8:16

Ama chun ‘Ka mipi Israelte Aigupta gam ah kipat ka puidaw ni kipat in, ka In sakna ding leh ka min umna dingin, Israel namte lak ah khawpi khat chale ka la têl chuam puai; ahi’n la, ka mi Israelte chung ah um dingin David ka la têl in,’ a la ti’n.

1 LENGTE 8:35

La chung ah a gitlo ziak ua van a kikhâk ah, gua a zuk lo phat leh, zia mun lam hi nga’ a pauchap ua, la min a suau ah, amau la gawt genthei ziak ah a gitlonau ah kipat a kihei kit phat ua leh,

1 LENGTE 8:44

La mite a mêlmateu do ding ah kuandok in, bang lampi’n sawl talechin le, la min umna ding ah ka sak In leh, la têlchuam khawpi lam nga Lalpa kiang ah a pauchap uh chun,

1 LENGTE 8:48

sal ah puite, a mêlmateu gam ah a lungthim zosiau ah a kisik ua, a gam uh, a pu leh pateu la piakna gam, la khawpi têlchuam leh la min umna ding ah ka sak la In lam hi nga’ la kiang ah a hung pauchap ua chun;

1 LENGTE 9:3

Lalpa‘n a kiang in, “Ka kiang ah la pauchapna leh la dotna chu ka ngaitha tai; zia la In sak hi ka suthiang ta’n; zia tak ah chun kumtuang dai dingin ka min ka koi tai; zia tak ah chun ka mitte leh ka lungthim bangtik lai ah le um zing ding ahi.

2 LENGTE 21:4

Lalpa In sung ah chun pathian dangte hona mâichâm a hun siam ah, Lalpa chun Jerusalem ah ka min umna ding ah ka ti ahi, a ti’na mun ah khan a koi tai.

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

2 KHANGTHU 6:20

zia In lam hi nga’ la suak pauchapna hi la ngaithâk theina dingin, la min umna ding ah la tiamna mun lam hi a sûn a jan in hun nga zing in.

2 KHANGTHU 7:12

Ziaphatchun, jan in Solomon kiang ah Lalpa a kilâk ah, zia gual hin a gen a: “La pauchapna chu ka he ta hen, zia mun hi ka kiangah kithoina mun hiding in ka guat chuam tai.

2 KHANGTHU 7:15

Zia mun ah pauchapnate chu mu dingin ka mit hak ing ka tin, ka bil a la daw ding ka hi.

2 KHANGTHU 7:17

Nangma la hileh, la pa David gual ah ka ma-âng ah la um zingah, ka thupiak dungzui ah ka thuguatte leh ka vaihawmna dante chu la vop zing chun,

SAM 132:13

Lalpa chun Zion a la têl ta ngal a; ama chênna mun dingin a dawi ziakin:

SAM 132:14

“Zia tak hi kumtuang ah, ka cholna ding mun chu hi hen la; zia tak ah hin chêng zing ing ka, ka la têlna mun ahi ngal a,” ti’n.

ZEKARIAH 3:2

Lalpa chun Setan kiang in, “Aw Setan, Lalpa chun nangma a hun vau hi! Jerusalem têlchuam ta Lalpa chun nangma a hun vau hi! Zia mi hi thukkhûk ah thingkhua kiladok gual chu hilo a hem?” a hun ti’n.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

DAN LEKHABU 12:21

Lalpa la Pathian un a min koina ding ah a têlna mun chu a gamlat chun, Lalpa maljawlna gan hon leh belam honte lak ah la duchâk pen pen uh chu, la duchâk hun si’n ua leh la khua sung chiat ua that a, nethei ngâl dingin thu ka hun pia la hiu.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

KOLOSSA 2:9

Ama ah chun Pathian bukimna zosia chu taksa nei in a um zing ngal a.