2 KHANGTHU 7:10 - PATHIAN LEKHABU THIANGTHO (BSI)

¹⁰ Lalpa‘n a phatna chu, David leh Solomon tawh a mipi Israelte zosia chung ah a taklat tâk ziakin, a tha sagi’na, a ni sawmni leh thum ni chun mipite chu kipak leh lungdam tak in a In lam chiat un a sawl kit tai.

2 KHANGTHU 7:10 ပူးပေါင်းရင်းမြစ်များ

1 LENGTE 8:66

A ni giat ni chun mipi chu a pêl sak tai; lengpa chu maljawlna a piau ah, Lalpa‘n a suak David leh a mipi Israelte chung ah phatna a latsak zosiate ziak ah kipak leh lungthim tai tak in a puanbûk lam chiat un a chia kit tau hi.

2 KHANGTHU 29:36

Tichun, Pathian in mipite â ding ah zia gual ah chu thakhat ah thil a hun bawl ziang phatin, Hezekiah tawh mipite zosia chu a lim ta ma ma ziang ui.

2 KHANGTHU 30:26

Israelte Lengpa David chapa Solomon hun ah kipat khan, zia gual tuk ah kipakna thupi hi Jerusalem khua sung in a um ngai ta puai.

2 KHANGTHU 6:41

Tu’hin, Aw Lalpa Pathian, nang leh la hatna thuthung thingkuang hi tawh, la umna mun ah kipat in hung thodok ta’n. Aw Lalpa Pathian, la thiampute chu, hukdamna puan in kithuam tau hen; la mi ginumte chu, la phatna ziakin lim tau hen!

2 KHANGTHU 7:11

Zia gual chun Solomon in Lalpa In leh Lengpa In dingte chu a sa zo tai; Solomon in Lalpa In leh ama In, bawl ding a lungtup gual tak in a mualsua tai.

2 KHANGTHU 7:9

A leng un mâichâm latna ni sagi leh Kût ni sagi sung zet a mat tâk ziak un, a ni giat ni chun kikhopna gun tak a nei tau hi.

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

SAM 100:2

Kipak pum in Lalpa biau inla, La sa pum in a ma’n hung tau in.

SAM 105:3

A min thiangtho chu suang unla, Lalpa hawlte lungthim chu kipak ta hen.

SAM 106:5

la mi doichuamte vangphatna chu ka muu ah, la chite kipakna chu ka limpi ah, la gochante chu ka kisuanpi theina dingin.

SAM 32:11

Aw midikte haw, Lalpa ah chun lim in kipak unla; mi lungthim dik takte haw, lim in kiko tau in.

SAM 92:4

Aw Lalpa, nang in la thilbawl in lei kipaksak in; la khut thilbawlte ziak ah lim in, La sa ding ka hi.

PAWTDAWNA THU 18:1

Midian gam ah thiampu, Mosi sungpa Jethro chun, Mosi tawh a mipi Israelte â ding ah Pathian in thil a la bawl piak zosia leh Aigupta gam ah kipat Israelte chu Lalpa’n a puidok tai ti a het phat in,

EZEKIEL 45:25

Tichun, tha sagi’na, a ni sawm leh nga tin ni leh, kût ni sagi hun sung in, gitlo kithoina thillat ding, hâlmang thillat ding, changbuang thillat ding leh sathau thillat dingte chu kibang tak in a piak ding ahi, ti’n a gen a.

NASEPTE 16:34

Amau chu a In ah pui lût in, a an nêk ding uh a lui piak ah; a sunghawu ah Pathian a hun gin tâk ziak un a kipak ma ma tau hi.

NASEPTE 2:46

Nisi’n in tempul ah hun a mat khawm sek ziak un, a In un vaithum a phel sek ua, a anteu chu lungthim kipak leh huangphal tak in a ne sek ui.

DAN LEKHABU 12:12

Chun, Lalpa la Pathian uh ma âng ah chun, nang uh tawh, la chapa leh chanuteu, la suakpa leh suaknuteu tawh, la In huang sung ua Levite tawh (amau chun nang uh lak ah chanvo chuam a nei paw’ngâl un) lim tak in la chêng khawm ding uh ahi.

DAN LEKHABU 12:18

Zia thilte hi Lalpa la Pathian un a guatna mun ah chun, nang tawh, la chapa leh chanuteu, la suakpa leh suaknuteu tawh, la khua sung ua um Levite Inkuan zosia tawh, Lalpa la Pathian un, la khut nasepnau zosia a hun maljawlna ziakin, lim leh kipak in la nêk khawm diu ahi.

DAN LEKHABU 12:7

Chuleh, Lalpa la Pathian un la khut nasep gimnau zosia a hun maljawlna ziak ah lim leh kipak tak in, nang leh la Inkuan un Lalpa la Pathian uh ma-âng ah, zia tak mun ngei ah chun la nêk sek ding uh ahi.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

DAN LEKHABU 16:14

Zia kût ah chun, nangmau leh la chapateu, la chanuteu, la suakteu pawsal leh numeite, la khaw sung ua chêng Levite leh gam dang mite, nauchagate leh meithâite tawh lim tak in la chêng khawm ding uh ahi.

PHILIPPI 4:4

Lalpa ah chun kipak un; ti kit ngen ing ka kipak un.