2 KHANGTHU 6:6 - PATHIAN LEKHABU THIANGTHO (BSI)

⁶ ahi’n, ka min umna dingin Jerusalem khua hi ka la têl ta hen, ka mi Israelte chung ah vaihawm dinginle David hi ka la têl ta ahi,’ ti ah a la genpa, ama khut ma ma ah hun guitunsakpa min hi pâk in um ta hen.

2 KHANGTHU 6:6 ပူးပေါင်းရင်းမြစ်များ

2 LENGTE 21:4

Lalpa In sung ah chun pathian dangte hona mâichâm a hun siam ah, Lalpa chun Jerusalem ah ka min umna ding ah ka ti ahi, a ti’na mun ah khan a koi tai.

2 LENGTE 21:7

David leh a chapa Solomon kiang ah Lalpa chun, “Jerusalem ah, zia In ah hin Israel nam zosia lak ah ka teldawna mun ngei ah hin, kumtuang dai dingin ka min umsak ding ka hi,” a ti’na mun ah, zia Insung ngei ah chun ama khutsuak milim, a suithawteu Asherah chu a hun koi tai.

1 KHANGTHU 17:5

Israelte ka puidaw ni kipat tu’ni tiang hin In ah chêng ngai lo in, puanbûk leh biakbûk ngen in ka la chêng zing hi.

1 KHANGTHU 17:7

Ziaziakchun, tu’hin ka suak David kiang ah chia inla, a kiangah zia gual hin vagen in: Sepai honte Lalpa chun zia gual hin a gen hi: Nangma hi gancha tatna mun ah la belam chinna kipat in, ka mipi Israelte chung ah vaihawm dingah ka hun lakdaw la hi’n;

1 KHANGTHU 28:4

Ahi’n la, Israelte Lalpa Pathian chun, ka pu leh pate Inkuan zosia lak ah kipat in, kumtuang ah Israelte chung ah leng hiding in ei la têl ta’n; ama chun Judah phung lak ah chunle ka pa Inkuan a têlchuam ah, ka pa Inkuan lak inle Israelte zosia chung ah leng hi dingin a chate zosia lak in keima ei têlchuam kit nalai hi.

2 KHANGTHU 12:13

Tichun, Lengpa Rehoboam chu Jerusalem ah chun kisudet in vai a hawm a. Rehoboam chu leng ah a pan lim in kum sawmli leh khat mi ahi ta’n; Lalpa‘n a min umsakna ding mun ah Israel nam zosia lak ah kipat a la têlchuam Jerusalem khua chun kum sawm leh sagi sung vai a hawm ah; a nu chu Amon mi a hia, a min chu Naamah ahi.

2 KHANGTHU 20:8

A sung ah chêng in, la min in mun thiangtho le a sung in a sa zo tau in, amau in,

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

2 KHANGTHU 33:4

Lalpa‘n a la gensa, “Jerusalem ah chun ka min a um zing ding ahi,” a la ti’na mun, Lalpa In ah chun pathian dang mâichâm a hun siam kit a.

2 KHANGTHU 6:20

zia In lam hi nga’ la suak pauchapna hi la ngaithâk theina dingin, la min umna ding ah la tiamna mun lam hi a sûn a jan in hun nga zing in.

2 KHANGTHU 6:5

‘Aigupta gam ah kipat ka mipi ka puidaw ni’ kipat in, Israel phung tin lak ah khoima tak hile ka min umna ding ah In sakna dingin ka la têl ngai pua’n; ka mi Israelte chung ah hotu dingle kuama ka la têl ngai diak puai;

2 KHANGTHU 7:16

Kumkhua ka min a umna dingin zia tak mun hi ka la guat chuam ta’ngal ah; ka mit leh ka lungthim zia tak ah chun um den ta ding ahi.

EZRA 7:16

Jerusalem ah Pathian In ding sakna ah mipite leh thiampute’n, amau kiphal dungzui chiatah a piak khawm uh, Babulon gam sung pumpi sana leh dangka la mu zosiau chule paw khawm un.

SAM 122:2

Aw Jerusalem, ka kengteu hi, la kul kotkhak sung in a ding zing ui.

SAM 132:13

Lalpa chun Zion a la têl ta ngal a; ama chênna mun dingin a dawi ziakin:

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

PAWTDAWNA THU 20:24

Keima â dingin lei ah hin mâichâm ei siam piak inla, zia chung ah chun la hâlmang thillatteu leh la kichamna thillatteu, la belamteu leh la bawngteu la hun lat sek diu ahi: ka min hetzingna taphot ah chun hung ing ka tin, hun maljawl ding ka hi’ngal a.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ZEKARIAH 2:12

Lalpa chun gam thiangtho ah chun, Judah chu a gochan dingin lua ta’n tin, chuleh, Jerusalem chu têlchuam kit ta’n a.

ZEKARIAH 3:2

Lalpa chun Setan kiang in, “Aw Setan, Lalpa chun nangma a hun vau hi! Jerusalem têlchuam ta Lalpa chun nangma a hun vau hi! Zia mi hi thukkhûk ah thingkhua kiladok gual chu hilo a hem?” a hun ti’n.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.