2 KHANGTHU 6:41 - PATHIAN LEKHABU THIANGTHO (BSI)

⁴¹ Tu’hin, Aw Lalpa Pathian, nang leh la hatna thuthung thingkuang hi tawh, la umna mun ah kipat in hung thodok ta’n. Aw Lalpa Pathian, la thiampute chu, hukdamna puan in kithuam tau hen; la mi ginumte chu, la phatna ziakin lim tau hen!

2 KHANGTHU 6:41 ပူးပေါင်းရင်းမြစ်များ

1 KHANGTHU 28:2

Ziaphatchun, Lengpa David chu a hung dingdok ah, a kiang un zia gual hin thu a hun gen a: “Ka suapi, ka mipite haw a la ngai un. I Pathian un a keng a ngakna ding ah Lalpa thuthunna thingkuang kicholdamna ding In pakhat sak ding ka la guanggal in; ziaziakchun, a In van dingte chule ka la lakhawm tai,” a tia.

NEHEMIAH 9:25

Tichun, kul nei khawpite leh gam hausa tak chu a lau ah, thuamthil chitin ah dim, tuikhukte, grep huante, Oliv huante, nêk sên lo theiga kungte leh a Inteu chu a lua tau hi; tichun, nevâ in, a thau zo tau a, la thilpha chitin piakte chu kinoptelna’n a mang tau hi.

SAM 110:2

Lalpa‘n la hatna lal tiang chu, Zion ah kipat in sawldok intin; la mêlmate lak ah vaihawm ta’n.

SAM 132:16

A thiamputeu chu hukdamna’n thuam ing ka tin; a mi ginumteu chu lim in kiko in au.

SAM 65:11

Kum chu la phatna la khuk sak a, la chiana lampite chu thauna’n a dimlêt zing hi.

SAM 65:4

La biak In huang sung tual lai ah, um ding ah la têlchuam leh, la ngaisakte chu mi hampha a hiu. La In, la tempul thiangtho phatna ziak ah, hitai in um ing kau.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

ZEKARIAH 9:17

Ama â dingin bang gual ah pha leh kilawm a hita maijen diam! Bu leh bâlte chun tangvalte a chok hal in, uain thakte chun nungakte a chok hal hi.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

GALATIA 3:27

La lak ua Khrista ah baptisma chang tapote kha Khrista ah chun la kivan tangal un.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

PHILIPPI 4:4

Lalpa ah chun kipak un; ti kit ngen ing ka kipak un.

JOSHUA 3:13

Lei chung zosia ah Lalpa, Lalpa thuthung thingkuang jawn thiampute keng in Jordan lui tui a chotkhâk phat phat leh, Jordan lui tui saklam ah kipat hung luang suk chu tan intin, ding den in, kisia vûm ziang ta’n ah,” a tia.

THUPUAN 19:14

Van sepaite chun puan malngat thiang leh vâm sil in, sakol kâng chung ah chuang chiat in ama chu a zui ua.

THUPUAN 19:8

A monu ding chu puan malngat thiang leh, vâm tak silsak a hi’n, zia puan malngat chu, a mi thiangthote dikna nasep ahi”. A tiu a.