2 KHANGTHU 6:36 - PATHIAN LEKHABU THIANGTHO (BSI)

³⁶ Chuleh, la chung ah thil a bawlkhial phat ua leh, (kuama thil bawlkhial lo umlo ahi ziakin) a chung ua la lungnat ah, a gâlteu khut ah la piakdaw ah, a gamla hi’n, a nai tuam hiziang leh sal ah pui mang ah a hung um khâk ua leh le,

2 KHANGTHU 6:36 ပူးပေါင်းရင်းမြစ်များ

1 LENGTE 8:46

Kuama gitlona bawl lo a um paw’ngâl ah; nangma kãl ah a gitlo ua, a chung ua la lungnat ah, mêlma pakhat khut ah la piakdaw ah, gamla hi’n nai lehle, a mêlmateu in a gam ua sal ah pui mang a hiu a,

1 LENGTE 8:50

nangma kãl ah gilo ta la mite ngaidam inla, nangma kãl ah a sukkhialnau zosia tawh; chun, sal ah puite mit mu in lainatna pia’n; amau in a chung ua lainatna a neitheina ding un.

2 LENGTE 15:21

Ahi’n, Menahem thilhite leh a nasep dangte chu Israel Lengte Chanchin kizikna Lekhabu a kizik ta hilo a hem?

2 LENGTE 17:18

Ziaziakchun, Lalpa chu Israel chung ah chun a lung a hung na ma ma ta’n, ama mit mu ngei ah chun amau chu a hun koimang ta’n; Judah namte tilo ngal chu pakhat chale khek a nei ta puai.

2 LENGTE 17:23

A suak jawlneite mang ah a la gen taksa gual in, Israel chu Lalpa‘n ama mit mu ah a chawn mang ah. Zia ziak tak ah chun Israel chu a gam ua kipat in Assuria lam ah pui mang in, tu’ni tiang hin a um zing tau ahi.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

2 KHANGTHU 6:35

nang in a pauchapnau leh a dotnau chu van ah kipat in a la dawnhu inla, zaw’na pesek in.

2 KHANGTHU 6:37

a saltânnau gam ah a hung kingaitua dawu ah, kisik ah, ka la gilo tau in, diklo tak leh nunsia tak in ka la um tau hi, a tiu a;

SAM 130:3

Aw Lalpa, nang in diklonate la tepte leh, kua a hem Lalpa, ding zo ding?

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

THUPILTE 20:9

“Ka lungthim ka hi’thiang ta’n, ka gitlona kipat in ka thiang tai,” ti’thei ding kua a hem?

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.