2 KHANGTHU 6:30 - PATHIAN LEKHABU THIANGTHO (BSI)

³⁰ la umna van ah kipat in hun ngaitha’n la, ngaidam inla, a lungthim dungzui chiat un dawnhu in; nangma bep in mihing lungthim ngaituana la he ngal a.

2 KHANGTHU 6:30 ပူးပေါင်းရင်းမြစ်များ

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

2 KHANGTHU 6:29

mimal kua a hem khat hihen la, la mipi Israelte lak ah kua hiziang ta leh a hung pauchap ua, a hivei ziak leh a lungkham ziak ua zia In lam hi nga, a khutbânteu jakdok ah a hung pauchap phat ua leh,

2 KHANGTHU 6:31

Tichun, ka pu leh pateu kiang ah la la piakna gam ah, hing leh dam ah a um sungsiau, nangma lau leh la lampite zui ah a hintheina ding un.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

SAM 7:10

Lungthim dik tak pute hukdokpa Pathian chu ka phaw ahi.

THUPILTE 15:11

Sheol leh Abaddon chu, Lalpa ma-âng ah kihongsa ahi’n, mihingte lungthim vang chu a mu chian na lawm lawm ding e!

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

EZEKIEL 18:30

Ziaziakchun, Aw Israel Inkuante haw, la umdan dungzui chiat un mi tin chung ah vaihawm ding ka hi, Lalpa Pathian in a tii. Sim unla, la hi’khelnau zosia haisan tau in; achutiloleh, nunsiatna chu la manthâinau hung hi kha’n a.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

JOHAN 2:25

A ziak chu, kuama gen piak hilo in, a man mihingte lungput dan chu a he suak hi

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.