2 KHANGTHU 6:27 - PATHIAN LEKHABU THIANGTHO (BSI)

²⁷ van ah kipat in a la ngaitha’n la, a chiana ding uh lampi dik chu kawkmu in, la suakte leh la mipi Israelte gitlona chu ngaidam inla, la mite hi a gochan ding ua la piakna gam ah hin gua hun zuksak kit in.

2 KHANGTHU 6:27 ပူးပေါင်းရင်းမြစ်များ

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

SAM 119:33

Aw Lalpa, la thuguat lampi chu ei zilsak inla, tichun, a tawp tiang in haw ing ka.

SAM 25:12

Lalpa lau mi chu kua a hem? Zia mite lampi zui ding chu hil in a.

SAM 25:8

Lalpa chu a pha’n, a dik ah; tichun, migilote chu lam dik a kawk mu hi.

SAM 68:9

Aw Pathian, nang in gua tam tak la zuksak a; la gochan ding a zawnkhâl lai inle la hi’det ta’n;

SAM 94:12

Aw Lalpa, la thunun ah, la dan dungzui ah la zilsakte chu, mi hampha a hiu in,

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 42:3

Lalpa, la Pathian chun khoilam zuan ah chia ding ka hiu em, bang bawl ding ka hitau em, ti ei hil hen,” a hung tiu a.

JEREMIAH 5:24

A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

EZEKIEL 34:26

Amau tawh ka tâng kîmvêl ah gamte chu maljawl ing ka tin; a hunbî tak in van gawtuite zuksak ing ka tin, maljawlna gua hita’n a.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

ZEKARIAH 10:1

Nipi kipat hun a hin, Lalpa kiang ah gawpi zu dingin don un, Lalpa chun thigawpi’n a sûmte a siam in, mitin â ding leh lohing chitin â ding ah, maljawlna gawtuite chu a piai.

JOHAN 6:45

Jawlneite Lekhabu khan, ‘Amau haw chu Pathian hil in um in au,’ ti’n zik ahi. Ziaziakchun, mitin Pa thu he ah, zil taphot chu ka kiang in a hung sek ui.