2 KHANGTHU 6:14 - PATHIAN LEKHABU THIANGTHO (BSI)

¹⁴ Aw Lalpa, Israelte Pathian! Lei leh van ah nangma gual Pathian dang him him a um pua’n, a lungthim zosiau ah nangma hun zui la suakte chung ah hin, la thuthung supiting in la hepi sek a;

2 KHANGTHU 6:14 ပူးပေါင်းရင်းမြစ်များ

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 33:20

Zia tak ah chun mâichâm a siam ah, a min in, El Elohe Israel a sak tai.

THILSIAM THU 35:10

Pathian chun Jakob kiang in, “La min Jakob ahi’n, la min chu Jakob hita pua’n tin, Israel hizaw ta’n a,” a ti tai. Tichun, a min chu Israel sak ahi tai.

THILSIAM THU 5:24

Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

1 LENGTE 18:36

Kithoina chi khat lat hun ah chun jawlnei Elijah in a hun nai ah, “Aw Lalpa, Abraham, Isak leh Jakob Pathian, nangma hi Israel ah Pathian la hi’n, kei hi la suak ka hi ti leh, lei sawl ah zia thilte hi ka bawl ahi ti tu’ni hin hun tâklang in.

1 LENGTE 3:6

Solomon in, “Ka pa, la suak David ginumna tawh, a dik tatna tawh, thu tak ah la âng ah a um dungzui in lungsiatna lian tak la musak ah, tu’ni tiang ah hin, a lalchutpha chu ding chapa la pia’n, zia nunnemna lian tak chu la vop ahi.

1 LENGTE 6:12

“Zia la In sak chungchâng ah hin, ka thuguatte la zui ah, ka dan bawlte la zop ah, ka thupiakte la mat ah la zui chun, la pa David kiang ah ka thutepte nang ah sudet ding ka hi.

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

2 KHANGTHU 20:6

zia gual hin a hun genah: “Aw Lalpa, ka pu leh pateu Pathian, van ah Pathian hilo la hem? Khawvel ah nam tinte lenggam zosia chung ah vaihawm hilo la hem? Nangma khut ah thilhitheina leh hatna zo ding kuama a um puau hi.

2 KHANGTHU 6:17

ziaziakchun, Aw Lalpa, Israelte Pathian! La suak David kiang ah la thutiamna paukamte chu sukpitin in um ta hen!

NEHEMIAH 1:5

Zia gual hin ka pauchap ah: “Aw Lalpa, van Pathian, Nang Pathian lopi leh ja’um, la thupiakte zuiah a hun ngainate chung ah la thuthung hezing leh ja’ngaina neipa;

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 89:28

Ka ngilneina kumtuang in a chung in um zing intin, ka thuthung le a kiang in um zing in a.

SAM 89:6

Vante ah khin Lalpa tawh te’pi thei ding kua a hem um? Van ah umte lak ah Lalpa tawhbang kua a hem um ah,

SAM 89:8

Aw Sepai honte Lalpa Pathian, aw Lalpa, nangma tawhbang ah, hât kua dang a um em? La ginumnate chun a hun hual kîmvêl hi.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

PAWTDAWNA THU 8:6

Tichun, Aron in a khut chu Aigupta gam ah tuite chung in a vak jak ah; ukêngte chu a hung pawt un, Aigupta gam chu a tuam suak ziang tai.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 10:6

Aw Lalpa, nangma gual him kuama a um puai, la lopi in, la min chu hatna’n ahi’lopi hi.

DANIAL 9:4

Lalpa ka Pathian kiang ah gitlo thupha chawi in, zia gual hin ka pauchap a: Aw Lalpa, Pathian thupi leh lau um, nangma hun hepi ah la thupiak jawmte chung ah thuthung leh ja’ngaina vopzingpa,

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.

LUKA 1:6

Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

LUKA 1:72

I pu I pateu kiang ah a jangaina thutiamte leh, a thuthung thiangtho a het zing ziakin.

DAN LEKHABU 3:24

“Aw Lalpa Pathian, la suak hi la lopi dan leh la hât dan lei musak pan ta’ngâl ah; nangma thilbawl gual leh la thilbawl nasa takte gual ah bawlthei pathian dang him him lei leh van ah a um puai!

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

DAN LEKHABU 7:9

Ziaziakchun, Lalpa la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

1 THESSALONITE 2:12

a lenggam leh lopina hun kolutpa Pathian â ding ah kilawm la hi’theina ding un, hun tilkhau leh thamuan in ka hun ni la hiu.