2 KHANGTHU 6:13 - PATHIAN LEKHABU THIANGTHO (BSI)

¹³ Solomon in sum-eng dawdan pakhat a siam, a dung tong nga, a vailam le tong nga leh tong thum ah sâng, Tempul huang sung ah chun a koi ah; zia chung ah chun a dingdok ah. Israel mipi kikhawm zosiate mit mu ah chun khupdin in, van lam in a khutbânte chu a jakdok a:

2 KHANGTHU 6:13 ပူးပေါင်းရင်းမြစ်များ

1 LENGTE 6:36

In huang sungnung chu sidar thing tum, tian khat zel ah suang sêk zawsa pathum kitiang in a kibawl hi.

1 LENGTE 7:12

Huang lopi kîmvêl ah chun sidar thing tum thua khat zel ah suang kisui tian thum a kidâp ah; Lalpa In huang sungnung leh pindan zotna chule zia gual tho chu ahi.

1 LENGTE 8:54

Solomon in Lalpa kiang ah zia pauchapna leh dotna hi a lat zaw phatin, Lalpa mâichâm âng ah khupdin ah a khut van lam ah a jakna mun ah kipat chun a hung thodok a;

2 KHANGTHU 4:9

Thiampute pindan ding leh pindan lian a siam zaw in, a kikâl ua kotkhak dingte le a siam ah, zia chu sum-eng tui a luan khum hi.

2 KHANGTHU 6:12

Ziaphatchun, Solomon chu Lalpa mâichâm kiang ah Israel mipi hung khawm zosiate mu ah chun a hung dingdok ah, a khutbânte chu a jak a.

EZRA 9:5

Nitâk lam kithoi hun a hung hi’phatin, ka puanâk leh puansil tel nêt nût in, ka anngawlna kipat hung thodok in ka khupdin ah, ka khutbânte jak in, Lalpa ka Pathian kiang ah zia gual hin ka pauchap a:

NEHEMIAH 1:4

Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

NEHEMIAH 8:4

Lekhabu zikpa Ezra chu thing ah khang dawsân ah chun a dingdok ah, zia ding mawng ah chu kibawl himle ahi’n; chuleh, a kiang ah chun a changlam ah Mattithiah, Shema, Anaiah, Uriah, Hilkiah leh Maaseiah te hi a ding zing un. A veilam ah chun Pedaiah, Mishael, Malkijah, Hashum, Hash-baddanah, Zekariah leh Meshullam te hi a ding un.

SAM 95:6

Aw hung unla, a ma-âng ah bokkhup in ho hitiu, Lalpa ei Siampa ma ah hin khiangkho hitiu!

PAWTDAWNA THU 9:29

Mosi’n a kiang in, “Khawpi paw lam ka pawt daw phat leh Lalpa kiang in ka khutte jak ing ka tin; tichun, van-gi chawl intin, gialpi le ke diak ta pua’n a; tichun, lei chung pumpi hi Lalpa â ahi ti la hettheina dingin.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

LUKA 22:41

Tichun, ama chu suang ah vak se’phâkna ding tiang ah hin a vachia chuam a, khiangkho in a pauchap ta’n:

NASEPTE 20:36

Zia thute chu a gen zaw phatin, a khiangkho ah a lêng un a pauchappi a.

NASEPTE 21:5

Ahi’n, a ni a hung tin phatin ka kipandok kit un, ka chia kit tau ah; a jiteu tawh, a chateu tawh khawpi pâm lam in ei hung thak un. Se’pho ah chun khupdin in ka pauchap un,