2 KHANGTHU 5:13 - PATHIAN LEKHABU THIANGTHO (BSI)

¹³ Pengkul mutte leh La sate mawpuakna chu: Lalpa pâkna leh kipak thugenna ding ah a thil githeiteu chu pakhat git gual ah hiat thei ding ah tumgit ahi, pengkul leh vai khutbette leh thil tumgit thei zosia tawh a awu hun sua in: “Ama a phat ziakin, a ngilneina chunle kumtuang a dai hi,” a tiu a; Ziaphatchun, Lalpa lopina sûmpi chun In chu a hun lua dim tai.

2 KHANGTHU 5:13 ပူးပေါင်းရင်းမြစ်များ

1 KHANGTHU 16:4

Chuleh, Levite lak ah mi khenkhatte chu Lalpa thuthung thingkuang enkol ding, kipak thu gen ding leh Israelte Pathian, Lalpa pakcha ding in a guat chuam hi.

2 KHANGTHU 20:21

Mipite kiang ah thu a gen zaw phatin, nibîk poimaw ah a kithuamna ding uh a siampiakte chu kithuam ah, Lalpa pâkna La sa ding ah a la guatdawsate chu hung kipan in; “Aw, Lalpa kiang ah kipak thu gen un, a ngilneina chun kumtuang a dai ngâlah,” ti’n sepaite âng ah chun a chiau a.

2 KHANGTHU 20:22

Lalpa chawihoi ah La a hun sak phat un, Judai gam do ding ah hung kuan Ammonte, Moabte leh Seir tânggam ah mite chu a la lamchân dingin Lalpa‘n mi a la guat ah; ziate chun a gâlteu chu a that gam tau hi.

2 KHANGTHU 7:1

Solomon a pauchap zaw phatin van ah kipat in mei a hung ketha suk ah, halmang thillat tawh kithoinate chu a hun kâng tum tai; tichun, Lalpa lopina chun tempul a hun lua dim tai.

2 KHANGTHU 7:2

Lalpa In sung ah Lalpa lopina’n a lua dim ziang phat ah chun, thiampute chu Lalpa In sung in a lut thei ta puau a.

2 KHANGTHU 7:3

Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

2 KHANGTHU 7:6

Thiampute chu a mun ding chiat un a ding un; Levite chunle Lalpa ma ah a thil githei tum dingteu chu a chawi chiat ua. Lengpa David in Lalpa choihoina dingah: “A ngilneina chun kumtuang a dai hi,” ti ah La a la guanggal dungzui in, amau tawh kimai ngat tua in, thiampute chun pengkul a hun mut tauah; ziaphatchun, Israel mipi zosia le a dingdok chiat tau hi.

EZRA 3:11

a kidawngtua in Lalpa pakcha’n La a sau a: “Ama a pha hen, Israelte chung ah a ngilneina’n kumtuang a dai hi,” a tiu a. Lalpa In suangphûm lep pat ahi tâk ziak ah kipak in, mipi zosia ngai tak ah kiko in Lalpa a pâkcha tau hi.

NEHEMIAH 12:27

Jerusalem kulbâng latna ding ah chun, Levi mite chu limna, kipakna, La sakna, vaikhutbet, tumgitte leh tingtangte tawh kithua ah a lopna a hung pan theina ding un, a umnau chiat ah kipat Jerusalem ah hungkhawm dingin a hawl khawm tau a.

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.

SAM 106:1

Lalpa chu pâk un! Aw Lalpa kiang ah kipak thu gen un, ama chu a pha ngal a; a ngilneina’n kumtuang dai ding ahi ngal a.

SAM 107:1

Aw, Lalpa kiang ah kipak thu gen un, ama chu a pha ngal ah; a ngilneina’n kumtuang a dai ngal a.

SAM 118:1

Aw Lalpa kiang in kipak thu gen un, ama chu a pha ngal a; a ngilneina’n kumtuang a dai hi.

SAM 150:3

Pengkul gi tawh ama pâk unla, lilu tawh pekkhuang in pâk tau in!

SAM 150:5

Vaikhutbet git tawh pâk unla, Vai khutbet git ngai tak tawh pâk tau in!

SAM 22:4

Ka pu leh pateu in nang a la muang un; a la muan gual un la la hukdok tai.

SAM 81:2

Pâkna La sau inla, khuangneute, pekkhuang ngainop umte leh, tingtangte’n ama chawihoi un.

PAWTDAWNA THU 29:43

Zia tak mun ah chun Israelte hun kihopi sek ing ka tin; chuleh, ka lopina’n zia mun chu hi’thiantho in um in a;

ISAI 52:8

Ngai un! La gâlvêngteu in aw a sua ui, a leng un kipak in La a sa khawm ui; Zion ah Lalpa hung kit chu, a mit chiat un a mu ta’ngâl un.

JEREMIAH 32:39

Amau leh a tu leh chateu tiang â ding ah thilpha a hitheina ding ah, kumkhua ei lau theina ding un, lungthim ngaituana leh tawidan kibang pia ding ka hi.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

NASEPTE 4:32

A gingte zosia chu lungthim leh ngaituana munkhat in a um un; a lak ua kuama’n a thil neiteu chu, kei â chuam ahi tilo in, a thil nei zosiau a kikop sek ui.

ROMTE 15:6

I Lalpa Jesu Khrista Pa ngei Pathian chu lungthim munkhat leh kithu gual ah la hun suklopi theina ding un.

THUPUAN 15:8

Ziaphatchun, tempul chu Pathian lopina leh thilhitheina khu’n a dim ta’n; vansawlchâk pasagite’n gawtna pasagi chu a sukbutin masiau tempul sung ah chun kuama a lût thei ta puau hi.