2 KHANGTHU 4:6 - PATHIAN LEKHABU THIANGTHO (BSI)

⁶ Chuleh, kisilna kuang le sawmkhat a siam ah; panga chu tempul changlam kâi in a koi ah, panga dangte chu tempul veilam kâi in a koi hi. Zia kuangte ah hin hâlmang thillat dingte chu a sawp diu ahi. Tuibêm ah tui chu vang thiampute kisilna ding ahi.

2 KHANGTHU 4:6 ပူးပေါင်းရင်းမြစ်များ

1 LENGTE 7:38

Chuleh, sum-eng kisilna kuang le sawmkhat a bawl ah; kisilna kuang pakhat chun tui bath sawmli chiat a dawl hi; kisilna kuangte chu tong li chiat ah lian a hiu; a kingakna sawmkhat chung jel in kisilna kuang chu pakhat jel a um hi.

1 LENGTE 7:40

Hiram in kisilna kuangte, vutluaknate, maiphiatna kuangte chu a bawl ah; Hiram chun Lalpa In â ding ah Lengpa Solomon in a bawlsak zosia chu a zo tai.

2 KHANGTHU 4:2

Tuibêm, lian tak, a geikawl sau lam tong sawm, chuleh, a sândan le tong nga kisiam pakhatle a umah,

SAM 51:2

Ka khawlona kipat in ei sawp thiang inla, ka gitlona hile ei silthiang ta’n.

PAWTDAWNA THU 29:4

Aron tawh a chapate chu kikhopna biakbûk kotkhak bul ah chun hun pui inla, tui in la sil ding ahi.

PAWTDAWNA THU 30:17

Lalpa chun Mosi kiang in:

EZEKIEL 40:38

Hâlmang thillat ding a sawpnau mun, a hulliap lutna kotpi bul ah chun pindan neu ah lutna kotkhak a um a.

THIAMPUTE LEKHABU 1:13

himaleh, a sung sa leh a kengte chu tui in a sawp thian ding ahi. Chuleh, thiampu’n a bawn ah chawi in, mâichâm chung ah hâltum ta’n a: Zia chu mei ah hâlmang thillat hi’ntin, Lalpa â ding ah gimtui hita’n a.

THIAMPUTE LEKHABU 1:9

ahi’n, a sung sa zosia tawh a kengte chu tui in a sawp ding uh ahi; a taksa dang cheng chu a pum in hâlmang thillat dingin thiampu’n a hâlvâm ding ahi: zia chu mei ah kihâlvâm thillat hi’ntin, Lalpa â ding ah gimtui hita’n a.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

HEBRAITE 9:23

Ziaziakchun, van ah thil umte chu ziate ah chun sukthian ding him a hi; van thil tak takte ahileh vang ziate sâng ah kithoina phazaw ah sukthiantho in a um diu ahi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.