2 KHANGTHU 4:1 - PATHIAN LEKHABU THIANGTHO (BSI)

¹ Sum-eng mâichâm, tong sawmni ah sau, tong sawmni ah lian leh tong sawm ah sâng pakhat a siam hi.

2 KHANGTHU 4:1 ပူးပေါင်းရင်းမြစ်များ

1 LENGTE 8:22

Ziaphatchun, Solomon in Israel pung khawm zosiate mu ah chun mâichâm âng in a dingdok ah, van lam in a khut a jakdok a.

1 LENGTE 8:64

Zia ni chun, lengpa chun Lalpa In mai ah huang lailung chu a lân thiangtho tai; ama’n zia tak ah chun hâlmang thillatte, an thillatte leh chamna thillat sathaute chu a lân ta; Lalpa âng ah um sum-eng mâichâm in hâlmang thillatte, an thillatte leh chamna thillatte sathaute chu a dawl lo ziakin ahi.

1 LENGTE 9:25

Solomon in, Lalpa âng in gimtuite a hâl ah; Lalpa â ding ah mâichâm a siam ah chun, hâlmang thilpiakte leh chamna kithoinate kum khat in thumvei a lân sek ah. Tichun, In chu a sa zo tai.

2 KHANGTHU 1:5

Chuleh, Hur tupa, Uri chapa Bezalel in a la bawl sum-eng mâichâm kha le Lalpa biakbûk mai ah chun a la um tai. Zia takah chun Solomon tawh a hung khawm zosia chun Pathian a vahechian tau ahi.

2 KHANGTHU 15:8

Oded chapa Azariah thugente chu Asa in a het phat in a hung kihân sak ah; tichun, Judah leh Benjamin mite gam sung leh Ephraim Thingtâng gam ah khawpi a luanau zosia ah kipat in, milim ki’dak um haw zosia chu a chomdok thiang kei a. Chuleh, Lalpa In mai jawn ah Lalpa mâichâm a la chimsa chule a siampha kit tai.

2 KHANGTHU 29:18

Ziaphatchun, Lengpa Hezekiah kiang in a lut un, a kiang in, “Lalpa In sung ah um zosia chu ka suthiang tau hi: hâlmang thillatna mâichâm leh a matchâk zosia leh, vaithum tianna dawkan leh a matchâk zosia tawh.

2 KHANGTHU 7:7

Chuleh, Solomon in Lalpa In mai tual lailung chule a lân thiangtho ah; Solomon in sum-eng mâichâm a siamte chun a dawl lo ziakin, In mai tual lai chule a lân thiang ah; zia tak mun ah chun, hâlmang thillat, changbuang thillat leh kichamna thillat gancha thau haw chu a lân tau a.

2 KHANGTHU 8:12

Ziaphatchun, Solomon in hulliap mai lam ah Lalpa mâichâm a siam ah chun Mosi thupiak dungzui in,