2 KHANGTHU 34:9 - PATHIAN LEKHABU THIANGTHO (BSI)

⁹ Amau cheng chu thiampu lal Hilkiah kiang in a hung un, kotkhak vêng ah pang sek Levite chun Manasseh leh Ephraim mite lak leh, Israel mi a um nalai sunte lak leh, Judah mipi leh Benjamin nam ah mite zosia leh Jerusalem khua chêngte lak ah kipat in; Pathian In siamphatna ding ah a tuak khawmteu chule a piau a.

2 KHANGTHU 34:9 ပူးပေါင်းရင်းမြစ်များ

2 LENGTE 23:4

Ziaphatchun Lengpa chun, thiampu lianpen Hilkiah tawh, ama nuai ah nasem ding thiampute tawh, a kotkhak vêngpa tawh, Lalpa In ah ûm leh bêl, Baal tawh Asher leh van lam thil haw biakna ding ah kikoi haw zosia chu hun ladok dingin thu a pia; chuleh, Jerusalem pawlam pek ah, Kidron loulai ah chun a hâl tum tau ah; ziazaw chun a vâmte chu Bethel lam in a puau a.

2 KHANGTHU 30:10

Lekhathot hawm ah chiate chun Ephraim leh Manasseh gam ah khawpi haw chu a ban ban in a chiau a, Zebulun gam tiang in a chuan suak tau a; himaleh, simmaw tak in a la nuisan in, a la hosia tau hi.

2 KHANGTHU 30:18

Ephraim, Manasseh, Issakhar leh Zebulun nam ah mi tam takte chun, amau kisuthiang lo lai in Chiakân Kût an a la ne tau ah, zia chu dan lo gual tak ahi ngal a. Ahi’n, Hezekiah chun a pauchap piak a:

2 KHANGTHU 31:1

Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

2 KHANGTHU 34:10

Zia thawlawmte chu Lalpa In bawlna sep enkolte khut ah chun a pedok un; Lalpa In siampha pawlte chunle zia sum chu In siamphatna ding leh tundin kitna dingin a mangcha tau hi.

2 KHANGTHU 34:18

Lekha zikpa Shaphan chun lengpa kiang in, “Thiampu Hilkiah in zia lekhabu hi ei pia ahi,” a tia. Shaphan in zia lekhabu chu lengpa kiang ah ngai tak in a simdok a.

2 KHANGTHU 34:20

Ziaphatchun, lengpa chun Hilkiah, Shaphan chapa Ahikam, Mikah chapa Abdon, Lekha zikpa Shaphan tawh lengpa suak Asaiah kiang in thu a pia:

2 KHANGTHU 34:22

Tichun, Hilkiah tawh lengpa’n a mi sawlteu chu jawlnei Huldah kiang in a vachiau ah; ama chu Shallum ji ahi’n, a pawsal chu Hasrah chapa Tokhath chapa, tempul ah nîk leh puan enkol ah pang sek ahi’n (Jerusalem khua chênna mun Pani’na chu chêng ahi;) zia nu kiang ah chun zia thu chu a vagen tau a.

2 KHANGTHU 35:8

Lengpa vaihawm ah pangte chunle mipite â ding, thiampute â ding leh Levi mite â ding chunle huangphal tak in a hun tuak khawm tau a. Pathian In ah hotu lian Hilkiah, Zekhariah leh Jehiel chunle, thiampute’n Chiakân Kût a bawlnau ah mat dingin belam leh a no sang ni leh za guk tawh, bawngchal za thum a hun piau a.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.