2 KHANGTHU 34:3 - PATHIAN LEKHABU THIANGTHO (BSI)

³ Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

2 KHANGTHU 34:3 ပူးပေါင်းရင်းမြစ်များ

1 LENGTE 13:2

Lalpa thu ah mâichâm dem in a kiko ah, “Aw mâichâm! mâichâm! Lalpa‘n zia gual hin a gen hi: ‘David Inkuan ah chapa pakhat, a min Josiah kiti hung piang intin; ama chun la chung ah gimtui lân thiampute hi nangma chung ah hun lân ding ahi; tichun, la chung ah mihing gute hung kihâl ding ahi,’ ti’n,” a gen a.

2 LENGTE 10:27

Ziazaw chun, Baal milim chu a hun khen chim ua, Baal tempul chu a hun susia tauah, tu’ni tiang in ekthakna’n a mang den tau hi.

2 LENGTE 18:4

Thoimualte chu a subei ah, milim haw chu a subei sik sekah, dawikhuamte a phuk sik sek ah, Mosi bawl sa sum-eng gul lim Nehusthan kiti khale, zia hun tiang ah chun a pathian uh hona’n gimtui a hâl zing nalai ua; ziate haw chule a khen gawp sik sek hi.

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

2 LENGTE 23:14

Tichun, milim khet gawp theite chu a khen gawp ah, a gawp theilote chu a tan bot thaw ah, zia munte zosia chu mithi gu ngen in a hun koidim tai.

2 LENGTE 23:4

Ziaphatchun Lengpa chun, thiampu lianpen Hilkiah tawh, ama nuai ah nasem ding thiampute tawh, a kotkhak vêngpa tawh, Lalpa In ah ûm leh bêl, Baal tawh Asher leh van lam thil haw biakna ding ah kikoi haw zosia chu hun ladok dingin thu a pia; chuleh, Jerusalem pawlam pek ah, Kidron loulai ah chun a hâl tum tau ah; ziazaw chun a vâmte chu Bethel lam in a puau a.

1 KHANGTHU 22:5

David chun, “Ka chapa Solomon la a naupang in khua a henai paw’ngâl ah, Lalpa In ding chu a thupi thei pen, gam zosia ah gensim ah lopi ah sak ding ahiziak in, a van ding chu ka ngaitua ding ahi,” a ti’n, David chun a thi masang in a In van dingte chu a tam thei pen a guanggal tai.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:1

Lengpa David chun mipi kikhawmte zosia kiangah chun, “Pathian in a têlchuam ka chapa Solomon hi a naupan tawh a hetna le a tawm nalai in, a nasep ding hi a lopi ma ma ngal in; a tempul sak ding hi mihingte chênna ding mai mai hilo in, Lalpa Pathian â ding ahi ngal in,

2 KHANGTHU 14:6

Gam sung ah muang tak ah a um pet un, Judai gam ah khawpi zosia kulbâng ding a siam un. Lalpa‘n gâlmuanna a piak ziakin, a vaihawm sung in gâl a do kha puai.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 30:14

Jerusalem khua mâichâmte chu hun ladok in, gimtui hâlna mâichâmte chule Kidron guam lam in a vapai mang tau a.

2 KHANGTHU 33:15

Lalpa In sung ah kipat chun gam dangte pathian leh milim haw zosia chu a ladok ah; chuleh, Lalpa In umna tâng leh Jerusalem khua a mâichâm siam zosia chule khawpi pawlam in a paidok sik sek tai.

2 KHANGTHU 33:17

Mipite chun thoimualte ah chun kithawi sek maleu le, Lalpa a Pathian kiang bep un a lân sek tau hi.

2 KHANGTHU 33:22

A pa Manasseh bawl dan gual tho in Lalpa mit mu ah thil phalo takte chu a bawl hi. Amon chun a pa Manasseh in a la bawlsa, milimte zosia kiang ah chun kithoinate lân in, a nau a sep piak hi.

2 KHANGTHU 34:33

Josiah chun, Israelte gam sung zosia ah kipat chun thil ki’dak um zosia chu a chomdok thiang suak ta’n; chuleh, Israel gam sung ah mi zosia chu, Lalpa a Pathian bep uh a ho sak tai. Ama dam sung sia chu, a pu leh pateu Lalpa Pathian chu a kiheisan ta puau hi.

SAM 119:9

Khangdawng in la thu dungzui ah, a um dan a venphat lo ngal leh, bangti’n a um dan hithiangtho thei ding a hem?

SAM 71:5

Aw Lalpa, ka naupan lai ah kipat ka hun muan leh, ka kinepna la hi’ngal a.

PAWTDAWNA THU 34:13

A mâichâmteu la hisiat ding, a milimteu leh a dawikhuamteu chule la hichip ding ahi;

THUPILTE 20:11

Naupangte natiang inle a thilbawl dan un, a lungthim uh dik leh thiantho dan a hi’lang sek ui.

THUPILTE 8:17

Keima ei ngaina chu ke’n le ka ngaina, gunchu tak ah ei hawlte chun ei mu’n au.

THUGENTU 12:1

La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

THIAMPUTE LEKHABU 26:30

La thoimualteu khênchim ing ka tin, la gimtui mâichâmte uh le hi’chim ding ka hi; la luangteu chule la milimteu chung in siavum ding ka hi; ziaphat chuleh, hun ki’dak ta’ng ka.

MIKAH 1:5

Zia zosia hi Jakob bawsiatna ziak leh, Israel Inkuante gitlona ziak ah hung tung ahi. Jakob sukkhialna chu bang a hem? Samaria ma ma hilo a hem? Judah dawimualte chu khoi tak a hem? Jerusalem khua hilo a hem?

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

2 TIMOTHI 3:15

chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.