2 KHANGTHU 34:2 - PATHIAN LEKHABU THIANGTHO (BSI)

² Lalpa mit mu ah thil dik a bawl ah, David lampi a zui hi; tichun, changlam a hem, veilam a hem in a pêt mang puai.

2 KHANGTHU 34:2 ပူးပေါင်းရင်းမြစ်များ

1 LENGTE 14:8

David Inkuan ah kipat in lenggam ka botthêk ah, nang ka hun pia; ahi’n la, ka suak David gual in la um ta puai. Ama chun ka thupiakte a vop ah, ka mit mu ah dikte bep bawl dingin, a lungthim zosia’n ei zui a.

1 LENGTE 15:5

Hit mi Uriah chung ah bep lo ngal, David in a damsung in Lalpa mit mu in thil dik ngen a bawl ah; a thupiak bangmatik in a kiheisan puai.

2 LENGTE 22:2

Ama hin, a pa David lampi a haw ah; Lalpa mit mu in thil dik tak in a bawl ah, a veilam leh a changlam inle a pêtmang kha him him puai.

2 KHANGTHU 14:2

Asa chun Lalpa a Pathian mit tung in, pha leh dik tak in a bawl hi.

2 KHANGTHU 17:3

Jehoshaphat in a pa nunchan masa a zui ziakin Lalpa‘n a umpi zing ah; Baal haw chu don lo in,

2 KHANGTHU 17:4

a pa Pathian lam chu nga’n, a dan thute chu zui in, Israelte umchan chu a zui puai.

2 KHANGTHU 29:2

A pu David gual in Lalpa mittung ah dik tak in a um hi.

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

THUPILTE 4:27

Changlam a hem, veilam a hem in pêt mang kin, thil phalo lam chu jamsan in.

DAN LEKHABU 17:11

Thupiak a hilsawn dungzui leh vaihawmna dan a hun hil dungzui un la um tei tei ding uh ahi; a thupukna hun kawk muu chu changlam a hem, veilam a hem in la pêtsan lo ding uh ahi.

DAN LEKHABU 17:20

Israelte lenggam chung ah ama leh a suante’n kum sawt tak vai a hawm theina ding un, mipi chung ah a kiletsak lo ding uh ahi’n, thupiakte le changlam a hem, veilam a hem ah a pêtsan lo ding uh ahi.

DAN LEKHABU 28:14

Lalpa chun a mei ding ah hilo in, a luchang dingin hun siam intin; a niam pen ah pang lo in a sângpen in pang in lau.

DAN LEKHABU 5:32

Lalpa la Pathian un thu a piak gual ah hi dingin chingthei un; changlam a hem, veilam a hem ah la pêtsan lo ding uh ahi.

JOSHUA 1:7

Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

JOSHUA 23:6

Ziaziakchun, Mosi dan lekhabu ah kizik zosia kha, veilam leh changlam a hem ah pêtsan lo dingin, gunchu tak ah ensui ding leh bawl dingin chingthei tak in um unla;