2 KHANGTHU 33:2 - PATHIAN LEKHABU THIANGTHO (BSI)

² Nidang lai ah a la chêngsa, nam tinte’n thil ki’dak um tak a la bawl ziak un Israelte ma-âng ah Lalpa‘n a nawdawte gual khan, Lalpa mit mu in thil ki’dak um takte a hun bawl kit tau a.

2 KHANGTHU 33:2 ပူးပေါင်းရင်းမြစ်များ

2 LENGTE 17:11

Thoimual tinte chun gimtuite chu a hun hâl ua, a ma-âng ua Lalpa‘n a la lakmang sate, khawvel mite thilhi dan zosia a hun hiu a, Lalpa lungnatna choktho ding thilte chu a hun bawl zaw tau hi.

2 LENGTE 17:15

A pu leh pateu haw kiang ah thu a la thunte leh dan a la bawlte kha a kihiatlosak tei tei ua, milim siamkawm ho in thil diklo a bawl tau ah; Lalpa thupiak zui lo in a kîmvêl ua mite chawndan chu a zui zaw tau hi.

2 LENGTE 21:2

Ama hin Lalpa mit mu ah thil diklo tak a hun bawl ah, Israel chate lak ah kipat Lalpa‘n a la nawdawte umchan chu a la zui ta ahi.

2 LENGTE 21:9

Himaleh, a ngaisak nuam ta puau a: Israel chate ma-âng ah Lalpa‘n a suksiat namte sâng ah gitlona huaisia zaw bawl dingin, Manasseh chun a puise zo sik sek tai.

2 KHANGTHU 28:3

Hinnom chapa Phâicham ah kithoinate bawl in, Israel mipite ma-âng ah a la um, Lalpa‘n a la nawdaw piak namte’n ki’dak um tak a la bawlteu chu bawl in, a chapate le a la lân tai.

2 KHANGTHU 33:22

A pa Manasseh bawl dan gual tho in Lalpa mit mu ah thil phalo takte chu a bawl hi. Amon chun a pa Manasseh in a la bawlsa, milimte zosia kiang ah chun kithoinate lân in, a nau a sep piak hi.

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

EZRA 9:14

la thupiakte botsia nalai ah, zia gual ah thil ki’dak um tak bawl mite hi tawh kichengpol nalai lai ding ka hiu em? A um nalai ding le um talo khop ah, a suakcha dingle um talo ding khop hial ah lei lungnat khum ma sia, ka chung un lungna zing talo ding la hia hem?

JEREMIAH 15:4

Hezekiah chapa lengpa Manasseh in Jerusalem ah a thilbawl ziak in, lei chung lenggam zosiate tizat dingin amau chu hun siam ding ka hi.

EZEKIEL 11:12

Ziaphat chuleh, a thuguatte la zui lo uh, a vaihawmna dan la bawsiat uh leh, la kîmvêl ua nam dangte thu gêl dan la zui san uh Lalpa chu ka hi ti hun he ta’n lau,” ti’n a gen a.

DAN LEKHABU 12:29

Lalpa la Pathian un’la suandaw ding ua a hun piak namte la mau ah a zaw piak phat ah, a gam ua lût ah a chêngte suandok ah la chên phat ua leh;

DAN LEKHABU 12:31

Amau ho gual in Lalpa la Pathian uh ho kiu in, a pathian honau ah chun, Lalpa kidak zosia leh a huat ma mate chu a bawl sek ngâl un. A chapa leh chanuteu nasan a pathian uh ho na’n mei in a hâl sek ui.

DAN LEKHABU 18:14

La suandaw ding uh namte chun Phunsân leh âisânte chu ngaisâng maleu, nanghaw vang Lalpa la Pathian un zia gual chu bawl dingin a hun phal puai.

DAN LEKHABU 18:9

Lalpa la Pathian un a hun piakna ding gam chu la hung tun phat ua leh, zia gam ah a la umsate thilbawl ki’dak um takte chu zui kiu in.