2 KHANGTHU 32:31 - PATHIAN LEKHABU THIANGTHO (BSI)

³¹ A gam ah thilmakte entha dingin Babulon ah miliante chun palai a hun sawl un; a lungthim dik tak kichetna dingin Pathian in ama chu a thathawt tai.

2 KHANGTHU 32:31 ပူးပေါင်းရင်းမြစ်များ

THILSIAM THU 22:1

Zia nung ah chun, Pathian in Abraham chu a patep ta’n, a kiang in, “Abraham,” a ti’n. Ama’nle, “Zia hin ka um hi,” ti’n a dawnhu a.

2 KHANGTHU 32:24

Zia hun lai ah chun, Hezekiah chu thi tavang ah damlo in a hung um a. Lalpa kiang in a pauchap a, a pauchapna lawtin tepte’na le piak in a um hi.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

2 KHANGTHU 32:32

Hezekiah thilbawl leh na pha sep haw zosia chu Amoz chapa jawlnei Isai kilâkna lekhabu leh Judai gam leh Israel lengte chanchin zikna lekhabu chun a zikdok sik sek hi.

SAM 27:9

Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

JOHAN 15:5

Keima hi grep guipi chu ka hi’n, nang uh a bâkte chu la hiu. Kuale keima ah um ah, keile ama ah ka umna chu, zia mi ngei chun ga tampi a hun sua sek hi; keima lo in bangma la hi’thei puau hi.

DAN LEKHABU 13:3

zia gual jawlnei a hem leh mangneitu a hem thugente chu la zui lo ding uh ahi; Lalpa la Pathian uh chun la lungthim zosiau leh la ngaituanau zosia ah Lalpa la Pathian uh hepi tak tak la hiu em ti, a hun patepna ahi ngâl a.

DAN LEKHABU 8:16

la pu leh pateu in a het ngailo uh Manna’n a hun vâkvâ a; tichun, tu’nung ah la hung phat theina ding leh la kingainiam theina ding un, haksatna hun tuaksak in, a hun patep la hiu kha.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

JAKOB 1:13

Kuama’n patepna a tuak lai in, “Pathian in ei thep ka hi,” ti ki’hen; Pathian chu gitlona thep gual a hipua’n, ama’nle kuama a thêm ngai pawngal a.

1 PETER 1:7

Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

VAIHAWMTE 16:20

Ziaphatchun, a kiang in, “Samson, Philistinte a hung tau!” a tia. A hung khatlaw phatin, “Hun dang ah gual tho khan vak kije ing ka tin, vak kitomdok ing ka,” ti’n a ngaitua ah. Lalpa‘n a la taisan ta ahi ti lam him him a he puai.