2 KHANGTHU 32:29 - PATHIAN LEKHABU THIANGTHO (BSI)

²⁹ Zia haw bep chule hilo in, ama â dingin khawpite le a bawldok ah; chuleh, belam hon le a hun hau ma ma ta’n; Pathian in nei leh lam tam tak a hun pia tai.

2 KHANGTHU 32:29 ပူးပေါင်းရင်းမြစ်များ

1 KHANGTHU 29:12

Hausakna leh ja’umna nangma ah kipat ahi’n, bangkim chung in vai la hawm hi. La khut ah thilhitheina leh hatna a um in; la khut in mi zosia letna leh hatna la pia thei hi.

1 KHANGTHU 29:28

Ama chu kumting tak leh ni le ting tak in, hausa tak leh ja’um tak in a thi ta’n; a chapa Solomon chun a tha a sâng to tai.

2 KHANGTHU 17:5

Ziaziakchun, Lalpa‘n ama khut in lenggam chu a sukdet piak tai. Judai gam ah mi zosia’n lei man Jehoshaphat kiangah a hun piak khawm phat un, hausakna leh za umna nasa tak a hun nei tai.

2 KHANGTHU 25:9

Amaziah in Pathian mi kiangah chun, “Aleh, Israel sepaite goina ding ah dangka talent za khat ka la piaksa chu bang law ding I hitau em leh?” ti’n a dong a. Pathian mi chun, “Lalpa‘n zia sâng ah tam zaw ma ma chu hun pia thei ahi,” ti’n a dawnhu a.

2 KHANGTHU 26:10

Gamthip lam ah chun gâlven Insângte le a bawl ah; gancha tam tak nei ahiziak in Shephalah bial leh phâichâmte ah chun tuikul le tam tak a bawl hi. Lou bawlna lam ah lunglut mi ahiziak in, tânggam leh lei phatna munte ah chun lou bawl mi leh grep huan enkol ding mi tam tak le a nei hi.

2 KHANGTHU 32:28

chuleh, uain leh sathau haw koina ding leh, gancha chitin leh belamte haw khumna dingle a siam a.

JOB LEKHABU 1:3

Mi neinung tak ahi ziakin, belam sang sagi, sangawngsau sang thum, bawngchal tuak za nga, sabiltungpi za nga leh nasem ding suak tampi nei in sualam gamkai ah mi hausa pen ahi.

JOB LEKHABU 1:9

Ziaphatchun, Setan in Lalpa kiang in, “Job chun a ziak beiah Pathian lau ahi em?

JOB LEKHABU 42:12

Job hun nunung lam chu a tîl lai sâng a thupi zaw ma ma’n Lalpa‘n a maljawl ta’n: belam sîng khat leh sang li, sangawngsau sang guk, bawngchal tuak sang khat, leh sabiltung sang khat a hun nei tai.

THUPILTE 10:22

Lalpa maljawlna chun a hihausa sek in, lungngaina a belap ngai puai.

DAN LEKHABU 8:18

Lalpa la Pathian uh hezing un; tu’ni a hun bawl piak gual hin, la pu leh pateu kiang ah a la kikam tiamna thuthung namdetna dingin, hausakna go leh gamte lakkhawm theina a hun pia ahi zaw ngâl a.

1 SAMUEL 2:7

Lalpa‘n a chatgasak in, a hausatsak hi; a niamsak ah, a chawisâng sek hi.