2 KHANGTHU 32:25 - PATHIAN LEKHABU THIANGTHO (BSI)

²⁵ Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

2 KHANGTHU 32:25 ပူးပေါင်းရင်းမြစ်များ

2 SAMUEL 24:1

Israelte chung in Lalpa lungnatna a hung puangjak kit in, a jakda lam tak bawl dingin David a chokphûl ah, ama chun, “Chia in la, Israel leh Judai gam ah mipi hi vasim in,” ti’n a sawl a.

2 LENGTE 14:10

Edom chu la zo ziang ngut ta’n, la ngaitua na’n a hun suk-hat la hi. La lopina chu huntawk sa’n la, In ah um hiat hiat in; nang, Judah tawh la pukkhawmna ding bep ua bang ziak ah buaina ding kihawldaw gua la hem?” a tia.

2 LENGTE 20:12

Zia hun lai ah chun Babulon Lengpa Baladan chapa, Berodak-baladan chun thilpiak tawh lekhathot tawh a hun thot ah, ama chun Hezekiah damlo thute a la het ziak ah a hun thot ahi.

2 LENGTE 20:13

Hezekiah chun amau chu a la lop ma ma ah, a nei leh lam koi zosia, dangkate, sanate, a gimtui mantamte tawh, a sathau mantamte tawh, a galvan koikhawmna In zosia tawh, a go thil muthei zosia tawh: A In ah thil um zosia leh a gam sung ah thil um zosia chu a etsak lo pakhat chale umlo hial in Hezekiah chun a la etsak suak kêi a.

1 KHANGTHU 21:1

Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

2 KHANGTHU 24:18

A pu leh pateu Pathian, Lalpa In chu limsak talo in, dawikhuamte leh milimte chu a hun hosan tau a. Zia gual ah a thilbawl sualnau ziak ah chun, Judai gam leh Jerusalem khawpi chung in lungnatna a hung tung tai.

2 KHANGTHU 25:19

Nang in kiletsak tak in, ‘Ngai in, Edom chu ka nuaisia tai,’ la ti hen. Tu’hin vang In ah kium hiat hiat mai ta’n aw; bang ding ah nangma leh Judah mipi zosia pukkhawmna ding bep ah kichok chok ding la hem?” ti’n a vagen sak tai.

2 KHANGTHU 26:16

Himaleh, a hung hat phatin ama siatna ding bep in, a hung kiletsak ta’n. Lalpa a Pathian chung ah diklo tak ah thil hun bawl in, gimtui hâlna mâichâm ah Lalpa kiang ah kithoina lân dingin tempul ah chun a chia ta’n.

2 KHANGTHU 32:31

A gam ah thilmakte entha dingin Babulon ah miliante chun palai a hun sawl un; a lungthim dik tak kichetna dingin Pathian in ama chu a thathawt tai.

ISAI 39:1

Zia hun lai ah chun, Babulon Lengpa Baladan chapa Merodakh-baladan in, Hezekiah damlo thu leh a damlona kipat a dam kitna thu a la het ziakin, a kiang ah lekhathot tawh thilpiak tam tak thot in palai a sawl a.

ISAI 39:2

Hezekiah in palaite chu kipak tak in a la lop ah; tichun, a dangka, sana, gimtuite, sathau man tam takte, a gâlvan zosia tawh, a gothil koikhawmna In ah um zosia chu a leng in a la etsak a. Hezekiah lal In leh a lenggam sung ah a etsak lo bangma dang a um ta puai.

EZEKIEL 28:17

La mêlphatna ziakin la lungthim a kiletsak in; la lopina ziakin la pilna la hi’khawlo zo tai. Lei tual in ka hun paitha tai; etnop ah a hun mat ding un, lengte âng in ka hun koidok tai.

EZEKIEL 28:2

Tura lengpa kiang in, Lalpa Pathian in zia gual hin a gen hi, va ti’n: La lungthim in la kiletsak ah, “Pathian ka hi, pathiante chutna tuisuagiat lilai ah kichu ka hi,” la ti hen; pathian lungthim tawh kibang nei in kikoi malechin le, pathian hilo in mihing, a thi thei mai mai la hi nalai hi.

EZEKIEL 28:5

Kivei dan la thiam ziakin la hausakna la hi’pung ah; la hausakna ziakin la lungthim in la kiletsak tai.

EZEKIEL 31:10

Ziaziakchun, Lalpa Pathian in zia gual hin a gen hi: Vansûmte khûp hial ah a bâkte a sân tâk ziakin, a lungthim in a sânna chu a kisaktheipi ta’n,

DANIAL 11:12

Mi tam tak sal ah a pui mang lai in, a lungthim in kiletsak ma ma intin; chuleh, a mun sâng sawm sang za tawden ta’n a; himaleh, gual zo zing diak pua’n a.

DANIAL 5:20

Himaleh, a lungthim ah kisaktheina a hun nei ah, ki-uansak tak ah a lungthim a hikhau phatin, a lalchutpha’ kipat pai thâk in a um ta’n, a lopina chule lâkpiak ahi tai.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

HABAKKUK 2:4

Chapote chu vak en tia! A thagau a sung un a dik ta puai; himaleh, midik chu a ginna ziakin a hing ui.

2 KORINTH 12:7

Ahi’n, hiatsaknate chu a nasat ma ma ziakin ka kingaisân tâkluat lona dingin, ka taksa ah hin ling ei pia ahi; Setan sawlchâk, khutthak noina ei mang dingpa chu ka zawtheina ding in; chutiloleh kingaisâng talua kha’ng ka.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

DAN LEKHABU 8:17

La lungthim un, “Zia hausakna zosia hi ka thilhitheina leh keima hâtna ziak ah ka chan ahi,” ti kiu in.

1 TIMOTHI 3:6

Gingthak a hilo ding ahi, chutilochun kisaktheina dim in, diabol thiamlo chansakna chun pûk kha’n a.