2 KHANGTHU 32:21 - PATHIAN LEKHABU THIANGTHO (BSI)

²¹ Lalpa‘n a vansawlchâk pakhat hun sawl in, Assuriate sepai hangsan leh a hotute leh a sâpliante zosia chu a hung bantan sik sek tai. Tichun, ama chu zakcha tak in a gam lam un a kile’kit tai. A pathian In ah a vachia phatin, ama chate ma ma chun chemjam in a that tau hi.

2 KHANGTHU 32:21 ပူးပေါင်းရင်းမြစ်များ

2 SAMUEL 24:16

Himaleh, Jerusalem khua gawt ding ah vansawlchâk chun a khut a hun lap phatin, Lalpa chun mipite lak ah thil phalo bawl ding chu a hun thotâng ta’n, “Hun ta hen; la khut kha lâm ta kin,” a hun tia. Lalpa vansawlchâk chu Jebus mi Araunah phual kiang ah a um lai tak ahi’n.

2 LENGTE 19:20

Ziaphatchun, Amoz chapa Isai chun Hezekiah kiang in, “Lalpa Israel Pathian chun zia gual hin a gen hi, Assuria Lengpa Sennakherib do’na ding ah ka kiang ah la pauchap ziak ah hin;

2 KHANGTHU 32:20

Ziaphatchun, Lengpa Hezekiah tawh Amoz chapa Isai chu zia thu ziak chun pauchap in, van Pathian a ko tau a.

2 KHANGTHU 32:22

Tichun, Hezekiah leh Jerusalem khua chêngte chu Assuria Lengpa Sennakherib leh a gâlteu zosia khut ah kipat in Lalpa‘n a hukdok ta’n; kiltin ah kipat in thamuanna a pia tai.

JOB LEKHABU 9:4

Ama chu lunggil ah pil leh, thilhitheina hat ahi ngâl ah, ama dodâl ah lawting ding kua a hem um?

SAM 132:18

A mêlmateu chu mualphona puan in thuam ing ka tin; ama chung in vang lal lukhuk te set set in a.

SAM 18:50

A lengpa kiang in gual zaw’na nasa tak chu a pia hen; a sathaunu’, David leh a suante chung ah chun, kumtuang in a ngilnei dan a latsak tai.

SAM 44:15

Nisi’n jakcha’n ka um ah, mualphona’n ei khû zing a;

SAM 76:12

ama’n lengte hinna sât tan in a, lei ah lalte â dingin a lau um hi.

SAM 76:5

A hangsante gâl lâk chu lâkpiak in a um un; i-mut duna’n a dim un, a sepaite lak ah pakhat inle, a khut uh a lek thei ta puau hi.

SAM 76:6

Aw Jakob Pathian, la vauna ziakin sakol leh, a chungchuang mite chu a tawimaw zo tau hi.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

THUPILTE 11:2

Kiletsakna a hung um phat leh, mualphona’n a hun zui sek in; kingaitawmte kiang ah chun pilna a um hi.

THUPILTE 16:18

Kiletsakna chu manthaina masang in a chia a; lungthim kihoithawna chu kipukna masang in a chia hi.

ISAI 10:8

Ama’n, “Ka sepai hotu zosia hi, leng hichiat lo a hiu em?

ISAI 14:25

Ka gam sung ah chun Assuriate chu hi’chimit ing ka tin; ka mualte chung ah chun palchek ding ka hi; ziaphat chuleh, a ngawngkol uh lâk thâk hita’n tin, a liangko ua kipat a puakgik uh lâk thâk hita’n a.

ISAI 36:9

Aiguptate kângtalai leh a sakol sepaiteu kisuanpi mai mai ah, ka pu siamângte suakte lak ah a neu pen pakhat ziang hile naw kit zo ding ah kisa la hiu em?

ISAI 37:21

Ziaphatchun, Amoz chapa Isai in Hezekiah kiang in zia gual hin thu a thot ah: Lalpa, Israelte Pathian in zia gual hin a gen hi: Assuria Lengpa Sennakherib chung thu ah ka kiang ah la pauchap tâk ziakin,

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

JEREMIAH 21:2

“Babulon Lengpa Nebukadrezar in ei do tâk mai hi, Lalpa‘n ei panpi dingin ei dot piak in; Lalpa‘n thil lamdang leh lopi tak takte ei la bawl piak zing sek gual ah khan, ei nusia in a kijuk kit ziang khâk leh,” a vatiu a.

DANIAL 3:28

Nebukadnezar in, “Sadrak, Meshak leh Abednegote Pathian chu pâk in um ta hen! Ama’n a vansawlchâk hun sawl in, ama muangah a nasêmte, lengpa thupiak le jalo ah a Pathian uh tilo pathian dang nasep leh ho sâng ah, a taksau pedok ngam zaw te chu meipi lak ah kipat in a hukdok ta’ngal in.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.