2 KHANGTHU 32:13 - PATHIAN LEKHABU THIANGTHO (BSI)

¹³ Keima leh ka pu leh pate khan, gam dang mite chung ah bang gual ah bawl ka hiu em ti kha helo la hiu em? Zia gam ah mite pathian ho haw khan a gamteu chu ka khut ah kipat in a hukdok thei bek ua a hem?

2 KHANGTHU 32:13 ပူးပေါင်းရင်းမြစ်များ

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

2 KHANGTHU 32:14

Zia namte lak ah kuapen pathian chun, ka pu leh pate khut ah kipat in a mipiteu chu a la hukdok khau ah, la Pathian uh chunle ka khut ah kipat hun hukdok ziang ding ah kinem laizang la hiu em?

2 KHANGTHU 32:19

Jerusalem khua Pathian chu khawvel ah nam dangte pathian gual bep ah, khut ah kisiam kawm gual bep in a gen tau hi.

ISAI 10:14

Mipite hausakna zosia chu, vacha’n a bu a bawl gual ah, ka khut in a hawldaw ahi; vacha’n a tui a nutsiasa, min a kiluak gual in, lei chung pumpi ka kiluak khawm tai; a tawilok ngam leh a kam kâ, paudok ngam khat chale a um puau hi,” a ti’n.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

DANIAL 4:30

lengpa chun a lungthim in, “Zia Babulon khaw lopi tak hi, lengpa chênna ding ah ka thahâtna leh ka lalna thupi tak suklatna ding ah ka siamdaw hilo a hem?” ti’n a ngaitua a.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

DANIAL 5:19

Zia gual ah lopina a piak ziak ah chun, mi zosia, nam zosia leh pau zosia’n, ama chu lau in a kithing sek ui. Ama’n a nop nop hawi in, a ja’bawl nopte chu ja’na a pia’n, a koi niam nopte chu a koi niam ngal hi.

NASEPTE 19:26

Ephesa khua bep ah le hilo in, Asia gam zosia hial inle, zia Paul hin, ‘Khut ah siam pathiante hi pathian ahi puai,’ ti’n mi tampi a thêm zo ta’n, a pui mang zo tai ti hi nangmau ngei in la muu in, la hiau hi.

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.