2 KHANGTHU 32:12 - PATHIAN LEKHABU THIANGTHO (BSI)

¹² A thoimualte leh a mâichâmte suchim ah, Judah mipite leh Jerusalem khua mite kiangah, ‘mâichâm pakhat bep ah Pathian la ho ua, zia mun bep ah chu kithoina la lat diu ahi,’ ti ah thupia kha zia Hezekiah ma ma hi hilo a hem?

2 KHANGTHU 32:12 ပူးပေါင်းရင်းမြစ်များ

1 LENGTE 7:48

Solomon in Lalpa In ah matchâk ding, ûm leh bêl zosia chu a bawl ah, sana mâichâm leh a chung ah etsakna vaithum umna sana dawkante le a bawl suak tai.

2 LENGTE 18:22

Himaleh, nang chun, ‘Pathian chung ah kinga ka hi’n, Hezekiah in thoimual leh mâichâm a suksiat hilo a hem, Jerusalem leh Judate kiang in, Jerusalem ah, zia mâichâm ah hin la bokkhup ding ahi,’ lei ti khumsa hilo a hem?

2 LENGTE 18:4

Thoimualte chu a subei ah, milim haw chu a subei sik sekah, dawikhuamte a phuk sik sek ah, Mosi bawl sa sum-eng gul lim Nehusthan kiti khale, zia hun tiang ah chun a pathian uh hona’n gimtui a hâl zing nalai ua; ziate haw chule a khen gawp sik sek hi.

2 KHANGTHU 30:14

Jerusalem khua mâichâmte chu hun ladok in, gimtui hâlna mâichâmte chule Kidron guam lam in a vapai mang tau a.

2 KHANGTHU 31:1

Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

2 KHANGTHU 32:11

Hezekiah in, ‘Lalpa, I Pathian un Assuriate lengpa khut ah kipat ei hukdok ding ahi,’ ti’n nanghaw chu gilkial leh dangchâk ah thigam ding bep in a hun thep zaw mai mai hilo la hiu em?

2 KHANGTHU 33:17

Mipite chun thoimualte ah chun kithawi sek maleu le, Lalpa a Pathian kiang bep un a lân sek tau hi.

2 KHANGTHU 4:1

Sum-eng mâichâm, tong sawmni ah sau, tong sawmni ah lian leh tong sawm ah sâng pakhat a siam hi.

ISAI 36:7

Chuleh, “Lalpa ka Pathian uh suang ka hiu,” la tiu ahi chun, lengpa Hezekiah in ama biakna munsangte leh mâichâmte a phiat thâk nung ah, Judah leh Jerusalem ah chêngte kiang in, “Zia mâichâm bul bep ah hin la biak ding uh ahi,” a la ti kha hilo a hem?