2 KHANGTHU 31:8 - PATHIAN LEKHABU THIANGTHO (BSI)

⁸ Hezekiah tawh a miliante chun a hung mu phât un, Lalpa leh Israel mipite chu a maljawl tau a.

2 KHANGTHU 31:8 ပူးပေါင်းရင်းမြစ်များ

2 SAMUEL 6:18

David in hâlmang thillat leh chamna thillatte a lat zaw phat in, mipite chu sepai honte Lalpa min in a malzawl tai.

1 LENGTE 8:55

aw ngai tak in, a dinsa’n Israel kikhawmte zosia chu a maljawl tai:

1 KHANGTHU 29:9

ziaphatchun, zia mite chun kiphal tak ah a piak ziak uh leh, Lalpa a ding ah lung kigual takah a piak ziak un mipite chu a kipak ma mau ah; Lengpa David chule a kipak ma ma ziang hi.

2 KHANGTHU 31:7

A tha thumna’n a hun koikhawm pan un, a tha sagi’na chun a hun koikhawm suak bep tau hi.

2 KHANGTHU 31:9

Hezekiah chun zia thil kisia khawmte chungchâng chu, thiampute leh Levite kiang in a dong a.

2 KHANGTHU 6:3

Ziaphatchun, lengpa chu a kihei ah, Israel mipi zosia chu a kiangah a din khawm lai tak un, Israel mipi hung khawm zosia chu mal a jawl ah;

EZRA 7:27

Jerusalem ah Lalpa In chawisâng nopna lunggil nei dingah Lengpa lungthim ah nasem Lalpa, I pu leh pateu Pathian chu chawihoi in um hen la,

SAM 144:15

Zia gual vangphatna dong namte chu mi nuamsa a hiu; Lalpa, Pathian ah nei mite chu mi nuamsa a hiu.

SAM 33:12

Lalpa chu Pathian ah nei nam chu mi hampha a hiu; ama go ding ah têlte ngei chu.

2 KORINTH 8:16

Ka hun ngaikhawkna gual Tita lunggil ah le pepa Pathian kiang in kipak thu um ta hen.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

DAN LEKHABU 33:29

Aw Israel, la hampha nau e! Nanghaw tawhbang ah, Lalpa‘n a hukdaw namte, nangmau panpitu phaw leh, la hatnau chemjam chu ahi! La nuai ua kitulut dingin, la mêlmateu hung intiu in, a tungtûn uh chuan den ta’n lau.

PHILIPPI 4:10

Keima lei khawtuanau la hun thak bawl tak ziak un nasa tak in ka kipak ahi; lei khawtua zing ngei ua, hun lemchâng la mu paw mai ua ahi.

PHILIPPI 4:19

Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

1 THESSALONITE 3:9

I Pathian ma-âng in nangmau ziak ah ka kipaknau a hung um kit hi; nangmau lam thu ah Pathian kiang in kipak thu bang gual in ka gen ta bep diam uh?

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

VAIHAWMTE 5:9

Ka lungthim chu Israel sepai hotute leh, mipite lak ah kipat thanuam tak ah, hung kipete kiang ngei in a kuandok hi. Lalpa chu pâk un.