2 KHANGTHU 31:1 - PATHIAN LEKHABU THIANGTHO (BSI)

¹ Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

2 KHANGTHU 31:1 ပူးပေါင်းရင်းမြစ်များ

THILSIAM THU 19:15

Ahi’n, phalvak ah chun vansawlchâkte chun, “Tho unla, la ji tawh zia tak ah um la chanute pani hi puidok in; chutilochun, zia khawpi gawtna hin hi’mangthai khawm in um kha’n lau,” ti’n Lot chu a tomnaw tau a.

2 LENGTE 17:2

Ahi’n, ama hin Lalpa mit muah thil diklo takte chu a hun bawl ah, ahi ziakin, a malam ah Israel lengte gual lawm lawm vang ahi puai.

2 LENGTE 18:22

Himaleh, nang chun, ‘Pathian chung ah kinga ka hi’n, Hezekiah in thoimual leh mâichâm a suksiat hilo a hem, Jerusalem leh Judate kiang in, Jerusalem ah, zia mâichâm ah hin la bokkhup ding ahi,’ lei ti khumsa hilo a hem?

2 LENGTE 18:4

Thoimualte chu a subei ah, milim haw chu a subei sik sekah, dawikhuamte a phuk sik sek ah, Mosi bawl sa sum-eng gul lim Nehusthan kiti khale, zia hun tiang ah chun a pathian uh hona’n gimtui a hâl zing nalai ua; ziate haw chule a khen gawp sik sek hi.

2 KHANGTHU 14:2

Asa chun Lalpa a Pathian mit tung in, pha leh dik tak in a bawl hi.

2 KHANGTHU 14:3

Ama chun gamdangte mâichâm haw leh thoimualte chu a susia sik sekah, a suang khuam zimteu khen chim in, a dawikhuamteu chule a phuk pâi sik sekah;

2 KHANGTHU 23:17

Ziaphatchun, mipite chu Baal biakna In ah chia in a vasuchim tau ah; a mâichâmte leh a milimte chu a khenbuang dim dem un, Baal mâichâm ah nasêm, a thiampuu Mattan chule mâichâm ma-âng ah chun a that tau hi.

2 KHANGTHU 32:12

A thoimualte leh a mâichâmte suchim ah, Judah mipite leh Jerusalem khua mite kiangah, ‘mâichâm pakhat bep ah Pathian la ho ua, zia mun bep ah chu kithoina la lat diu ahi,’ ti ah thupia kha zia Hezekiah ma ma hi hilo a hem?

2 KHANGTHU 33:3

A pa Hezekiah in a la suksiat thoimualte hun siampha kit in, Baal ho’na mâichâmte le siam in, dawikhuamte phu kit in, van lam thilte hun ho in, ziate na chu a hun sep piak kit zaw ta mai hi.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

PAWTDAWNA THU 23:24

a pathianteu âng ua la bawkhup lo diu, a nau le la sep lo ding uh, a bawldan uh le la zui lo diu ahi: amau chu la tawden ua, a biak uh dawikhuamte chule la khetbuang dim dem ding uh ahi.

PAWTDAWNA THU 34:13

A mâichâmteu la hisiat ding, a milimteu leh a dawikhuamteu chule la hichip ding ahi;

ISAI 17:8

amau khutsuak mâichâmte leh a khutzung un a siamte leh, a dawikhuamteu, ahiloleh a gimtui hâlna mâichâmteu chu ngaisak ta pua’n au.

DAN LEKHABU 7:5

Amau chu zia gual ah hin bawl un: A mâichâmteu chu hisiau inla, a suang phuteu khen bong unla, a dawikhuamteu chu phûk unla, a milim bawlteu chule hâl tum un.