2 KHANGTHU 30:9 - PATHIAN LEKHABU THIANGTHO (BSI)

⁹ Lalpa lam ah la hung kihei kit ua ahi chun, la suapiteu leh la chateu chun sal ah mante lainatna hung chang intiu in, zia gam ah hin hun pui tung kit ding ahi. Lalpa la Pathian uh hi lainatna dim leh, ja’ngai tak ahi ngal ah; ama lam la ngat kit ua leh ama’nle nang uh lam hun nga kit ding ahi ngalah,” ti’n a thot tau hi.

2 KHANGTHU 30:9 ပူးပေါင်းရင်းမြစ်များ

1 LENGTE 8:50

nangma kãl ah gilo ta la mite ngaidam inla, nangma kãl ah a sukkhialnau zosia tawh; chun, sal ah puite mit mu in lainatna pia’n; amau in a chung ua lainatna a neitheina ding un.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

NEHEMIAH 9:31

Chuti maleh, la ja’ngaina a nasat ziakin amau chu sumangthai ziang lo in, la nusia diak puai; nang mi hepina dim leh ja’ngaina hau Pathian la hiziak in.

SAM 106:46

Sal ah puite zosia chu amau a hepisak a.

SAM 111:4

A thilbawl danglamte ziakin minthanna a law in; Lalpa chu hepina leh lainatna dim ahi.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

JEREMIAH 18:17

Sualam hui in a mût gual in, mêlmate âng in jam cheksak ding ka hi. Siatna a tuak niu ah chun, ka maichang hilo, ka nung lam ngat ing ka.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

DAN LEKHABU 30:1

Lalpa la Pathian un nam tin lak ah a hun thejakna mun chiat ah kipat in, la chung ua tung ding ah a koi maljawlna leh hânsia lawnate hi la hun hetdaw phat uh leh,

DAN LEKHABU 4:31

Lalpa la Pathian uh chu ja’ngai thei tak Pathian ahi ziakin, hun nusia pua’n tin, hun hi’mangthai diak pua’n ah; la pu leh pateu kiang ah a thuthung tiamsa kha hemil ngailo ding ahi, a tia.