2 KHANGTHU 30:18 - PATHIAN LEKHABU THIANGTHO (BSI)

¹⁸ Ephraim, Manasseh, Issakhar leh Zebulun nam ah mi tam takte chun, amau kisuthiang lo lai in Chiakân Kût an a la ne tau ah, zia chu dan lo gual tak ahi ngal a. Ahi’n, Hezekiah chun a pauchap piak a:

2 KHANGTHU 30:18 ပူးပေါင်းရင်းမြစ်များ

THILSIAM THU 20:17

Chun, Pathian kiang in Abraham a pauchap ah: chuleh, Pathian in Abimelekh tawh, a ji tawh a suak nungakte chu a sudam kit ah, chate le a hun nei thei kit tau a.

THILSIAM THU 20:7

Tu’hin, mi ji kha pia kit ta’n; a pawsal kha jawlnei ahi ngal in, hun pauchap piak intin, dam mai in la. La piak kit lo leh chu thi ngei ding la hi ti he’n, nang tawh, la nei zosia natiang in,” a ti tai.

2 LENGTE 5:18

Himaleh, Lalpa‘n la suak hi thil pakhat chung thu’n ei ngaithiam hen: Ka pu chu Rimmon In ah pathian ho ding ah a lut ah a khut a jak ah, Rimmon In ah ka kûn suk phat leh, Lalpa‘n la suak hi zia thil pakhat thu ah hin ei ngaithiam hen,” a tia.

2 KHANGTHU 30:11

Asher, Manasseh leh Zebulun mite lak ah mi tawmcha bep chu kingaitawm tak in Jerusalem khua’n a hung tau a.

2 KHANGTHU 30:25

Judai gam ah mipi hungkhawmte, thiampute leh Levi chite leh, Israel gam ah kipat hung khawm zosia tawh, Israel gam ah gam dang mi a chêngdente leh Judai gam ah gam dang mi a chêngdente chu tawh, a leng un a kipak ta ma mau hi.

2 KHANGTHU 34:9

Amau cheng chu thiampu lal Hilkiah kiang in a hung un, kotkhak vêng ah pang sek Levite chun Manasseh leh Ephraim mite lak leh, Israel mi a um nalai sunte lak leh, Judah mipi leh Benjamin nam ah mite zosia leh Jerusalem khua chêngte lak ah kipat in; Pathian In siamphatna ding ah a tuak khawmteu chule a piau a.

2 KHANGTHU 6:21

Chuleh, zia mun lam hi la ngat ah, la suakpa leh la mipi Israelte a hung pauchap phat ua leh, a dotnau dawnhu dingin a la ngaitha sek in; van ah la umna kipat in hun dawnhu sek inla, a la ngaitha piak inla, ngaidam sek in.

SAM 119:68

Nang vang la pha hen, thilpha ngen la bawl hi; la thuguatte chu ei hil ta’n.

SAM 25:8

Lalpa chu a pha’n, a dik ah; tichun, migilote chu lam dik a kawk mu hi.

SAM 36:5

Aw Lalpa, la ngilneina chun vante khi a huap in; la ginumna’n van sûm a tung hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

DANIAL 9:19

Aw Lalpa, ngai inla; Aw Lalpa ngaidam in; aw Lalpa ngaitha’n la, khawdâng lo in hun bawl ngal in! Aw ka Pathian, nangma min ziak in, khawpi leh mipite chu nangma min ah kiminlaw ahi ngal un! ti in.

THIAMPUTE LEKHABU 10:20

Mosi’n zia thu chu a het phat in a lungdam tai.

KISIMNA LEKHABU 19:20

A buak hi’ngâl ah, kihi’thian gaw lo taphot chun, Lalpa mun thiangtho hibuak a hiziak un, mipite lak ah kipat paidaw ding a hiu. Kihi’thianna tui thinkhum a hilo ziak un, a buak ding uh ahi.

KISIMNA LEKHABU 9:7

a kiang un, “Mithiluang sukkhak ziak ah buak kâi a la hita leng unle, bang ziak ah kei un Israelte lak ah a hunbî kiguat dungzui ah thilpiak lân theilo ding ah lei koidok ziang uh a hem?” a hung tiu ah.

1 KORINTH 11:28

Mitin ama leh ama ki-enchian zet in, zia vaithum hi ne hen la, zia no hile dawn hen.

1 JOHAN 5:16

La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.