2 KHANGTHU 30:12 - PATHIAN LEKHABU THIANGTHO (BSI)

¹² Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

2 KHANGTHU 30:12 ပူးပေါင်းရင်းမြစ်များ

2 KHANGTHU 29:15

A suapiteu chu a ko khawm un, a kisuthiangtho chiat tau ah; chuleh Lalpa thugen dungzui leh lengpa thupiak dungzui in, Lalpa In suthiangtho dingin a chiau a.

2 KHANGTHU 29:25

Lalpa‘n a jawlneite thu a la piak dungzui ah David tawh Lengpa thiamgau Gad tawh jawlnei Nathan in thu a la piak dungzui un, Lalpa In ah Levi mite chu a vai khutbetteu, a guipekteu leh a pekkhuangteu tawh a um densak tai.

2 KHANGTHU 29:36

Tichun, Pathian in mipite â ding ah zia gual ah chu thakhat ah thil a hun bawl ziang phatin, Hezekiah tawh mipite zosia chu a lim ta ma ma ziang ui.

2 KHANGTHU 8:15

Thiampute hi’n, Levite hileu lengpa thupiak chu, sum leh pâi lam thu natiang in kuama’n a ngaisak lo ngam puau hi.

EZRA 7:27

Jerusalem ah Lalpa In chawisâng nopna lunggil nei dingah Lengpa lungthim ah nasem Lalpa, I pu leh pateu Pathian chu chawihoi in um hen la,

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 32:39

Amau leh a tu leh chateu tiang â ding ah thilpha a hitheina ding ah, kumkhua ei lau theina ding un, lungthim ngaituana leh tawidan kibang pia ding ka hi.

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

NASEPTE 4:19

Himaleh, Peter leh Johan chun a dawnhuu ah, “Pathian mit mu ah chun Pathian thu mat sâng ah nang uh thu mat jawk chu dik ding a hem, ti hi ngaituau in;

2 KORINTH 3:5

Bangkim keimau ah kipat pawt gual in, keimau ka tin ui ti ka hi puai; ka tin zawnau chu Pathian ah kipat ahi zawi.

DAN LEKHABU 4:2

Lalpa la Pathian uh thupiak, ka hun hilte hi la zui theina ding un, thu ka hun piakte hi khatchale la belap un, la pai khen diak lo ding uh ahi.

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

1 THESSALONITE 4:2

Lalpa Jesu ziakin bang thute a hem ka hun piak la he ngal ua.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.