2 KHANGTHU 30:1 - PATHIAN LEKHABU THIANGTHO (BSI)

¹ Hezekiah in Israel gam ah mipi zosia tawh Judai gam ah mipi zosia ko khawm dingin mi a sawl ah; chuleh, Ephraim mipi tawh Manasseh mipite kona dingin lekha a thot ah; Israel Pathian Lalpa â ding ah Chiakân Kût, Jerusalem khua Lalpa In ma ma ah lopi tak ah bawl ding in a ko khawm a.

2 KHANGTHU 30:1 ပူးပေါင်းရင်းမြစ်များ

2 LENGTE 23:22

A dik tak in, Israel gam ah vaihawmte hun ah kipat leh, Israel lengte hun lai leh, Judah Lengte hun lai inle zia gual lawm ah hin Chiakân Kût hi a la mang kha ta puau hi;

2 KHANGTHU 11:13

Israel gam pumpi thiampu leh Levite um zosia chu a umna mun chiat ua kipat hung pawtdok in, Lengpa kiang in a hung tau a.

2 KHANGTHU 11:16

Israel nam lak ah Lalpa Israelte Pathian lam lunglenna nei zosia chun a hun zui un, a pu leh pateu Lalpa, Pathian kiangah kithawi dingin Jerusalem khua chun a hung tau hi.

2 KHANGTHU 25:7

Himaleh, Pathian in a kiang ah mi pakhat a hun sawl ah, a kiang in, “Aw lengpa, zia Ephraim suante hi Pathian in kithuapi lo ding ahi ziakin, Israel sepaite hi kizuisak dâ ziang in.

2 KHANGTHU 29:24

tichun, mâichâm ah kithoina thisan ziak ah Israel mipi zosia gitlona ngaidam a hitheina dingin, thiampute chun a that tau a. Israel mipi zosia â ding ah hâlmang thilpiak leh gitlo ngaidamna ding ah thilpiakte chu bawl dingin, Lengpa’n thu a piak ahi ngal a.

2 KHANGTHU 29:36

Tichun, Pathian in mipite â ding ah zia gual ah chu thakhat ah thil a hun bawl ziang phatin, Hezekiah tawh mipite zosia chu a lim ta ma ma ziang ui.

2 KHANGTHU 30:2

Lengpa tawh a khawnbawl zosia leh Jerusalem khua’ hung khawm zosia chun, a tha ni na chu Chiakân Kût bawl dingin a la kiholem tau a;

2 KHANGTHU 35:6

Chiakân Kût matna ding belam chu that un la, nangmau chule kisuthiangtho unla, la Inkuanpiteu thasâng in bangkim chu siam tuak un, Mosi kiang ah Lalpa‘n a hil dungzui ah khan la bawl diu ahi,” a tia.

JEREMIAH 29:1

Jawlnei Jeremiah in, Jerusalem khua kipat Nebukadnezar in Babulon lam ah sal ah a puite lak ah, a dam nalai sunte lak ah thiampute, jawlneite leh mipi zosiate kiang in, Jerusalem ah kipat in zia gual hin lekha a thot a.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

JOSHUA 14:4

Joseph suante chu Manasseh leh Ephraim phungte ni a hiu a; chuleh, Levite chu a chênna ding uh khawpite leh, a ganchateu tatna ding tilo ngâl chu, go ah a lua ding un gam chu piak ahi puau a.