2 KHANGTHU 28:3 - PATHIAN LEKHABU THIANGTHO (BSI)

³ Hinnom chapa Phâicham ah kithoinate bawl in, Israel mipite ma-âng ah a la um, Lalpa‘n a la nawdaw piak namte’n ki’dak um tak a la bawlteu chu bawl in, a chapate le a la lân tai.

2 KHANGTHU 28:3 ပူးပေါင်းရင်းမြစ်များ

2 LENGTE 16:3

Ahi’n, Israel lengte umdan a zui ah, ziaziakchun, Israel chate lakah kipat ah Lalpa‘n a nawdawsa namte thanhuaina dungzui in, a chapa ngei chu mei in a chia thensak hi.

2 LENGTE 23:10

Chuleh, Molekh ah a chapa a hem a chanu a hem, mei ah kithoina kuama’n a mat tâk lona ding un, Hinnom chate umna phâizang ah Topheth chu a vasubuak tai.

2 KHANGTHU 33:2

Nidang lai ah a la chêngsa, nam tinte’n thil ki’dak um tak a la bawl ziak un Israelte ma-âng ah Lalpa‘n a nawdawte gual khan, Lalpa mit mu in thil ki’dak um takte a hun bawl kit tau a.

2 KHANGTHU 33:6

Hinnom Chapa Phâijawl ah chun ama chapa ngei le mei lak ah kithoina’n a la chia thensak ah; chuleh, dawi bawl, mitvaidawi, âisân, thitha ho’na leh thitha tawh kijawlna haw le a hun bawl a. Lalpa mit mu ah thil phalo khawk tak tak leh a choklungna thei tak takte a hun bawl tai.

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

JEREMIAH 19:13

Jerusalem ah In zosia, Judah lengte In zosia leh, van lam thilte ho’na ding ah thilpiakte lân ah, pathian dangte kiang ah dawnchi thillat butthâkna In zosia pum in, Topheth mun gual hial in sukbuak in hung um ta’n a.

JEREMIAH 2:34

In a bulu lai un a la man talo maleu chinle, migenthei leh mawna beite thisan chu, la puan in a nât tai. Zia gual chu ahi sapi’nle,

JEREMIAH 32:35

Hinnom chapa phâijawl ah chun, a chateu leh a chapateu Molekh kiang ah, mei ah lat ding ah a piakna ding un Baal thoimualte chu a tung ding tau a; zia chu ka thupiak le a hipua’n, ka lungthim ah le ka la gêl khâk lo, Judai gam ah mite thil phalo tak a la bawlsak guat ziak uh ahi.

THIAMPUTE LEKHABU 18:21

La Pathian min hi’tempot dingin la suante lak ah mi him him Molekh ho’na ding ah la lat lo ding ahi: Keima hi Lalpa chu ka hi’ngâl a.

MIKAH 6:7

Lalpa chu belamchal sâng tam takte ziak ah chun kipak ding a hia, sathau ah luang luipi sîng khat ziak ah chun kipak ding a hem? Ka bawlkhialnate ziakin a hem ka cha lutil chu ka piak ah, ka thagau gitlona ziak ah ka gil ah ga chu ka piak ding?

DAN LEKHABU 12:31

Amau ho gual in Lalpa la Pathian uh ho kiu in, a pathian honau ah chun, Lalpa kidak zosia leh a huat ma mate chu a bawl sek ngâl un. A chapa leh chanuteu nasan a pathian uh ho na’n mei in a hâl sek ui.

DAN LEKHABU 18:10

La lak ua kuale a chapa a hem, a chanu a hem mei ah kithoina ding ah pia a hem, phunsânte, thugenlawk chîngte, ngaibel chîngte, dawi bawl chîngte,

DAN LEKHABU 18:9

Lalpa la Pathian un a hun piakna ding gam chu la hung tun phat ua leh, zia gam ah a la umsate thilbawl ki’dak um takte chu zui kiu in.

JOSHUA 15:8

zia kipat chun Hinnom chapa guam, Jebushte kenliang gam simlam (zia chu, Jerusalem ahi) tiang in a kithung a; Rephaim phâiguam mallam ah Hinnom phâicham gâl, tumlam kâi ah tângvûm lam in a kithung pek a;

VAIHAWMTE 2:11

Ziaphatchun, Israelte’n Baal hun ho in, Lalpa mit mu ah thil phalo tak a hun bawl tau a;

VAIHAWMTE 2:13

Lalpa chu jamsan in, Baal leh Astartes chu a ho zaw tau a.