2 KHANGTHU 26:7 - PATHIAN LEKHABU THIANGTHO (BSI)

⁷ Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

2 KHANGTHU 26:7 ပူးပေါင်းရင်းမြစ်များ

1 KHANGTHU 12:18

Ziaphatchun, Sawmthumte lak ah hotu Amasai chu thagau in a hun thuam ah, zia gual hin a hun gen tai: “Aw David, nang â ka hiu hi; Aw Jesse chapa, nang lam ah pang ka hiu! La chung ah thamuanna, thamuanna tung ta hen la, nang hun panpite chung inle thamuanna tung ta hen! La Pathian chu a hun panpipa ahi ngâl a,” ti in.

1 KHANGTHU 4:41

Tichun, zia a min kizikte chun Judah gam ah lengpa Hezekiah lal lai ah khan a valut un, zia hun ah a la chêng Meunimte puanbûkte chu a buluu ah, tu’ni tiang dai dingin a la that gam tau hi; a gam chu gancha tatna ding ah a phat ma ma ziakin, a gam ua chun a chêngden tau hi.

1 KHANGTHU 5:20

chuleh, amau in panpi’na a mu phât un, Hagar suante leh a kithuapi zosiau chu a khut ua chun piak in a um tau a; kido’na chun Pathian kiang in a kiko ua, ama a muan ziak un, ama’n a dotnau a lawtin piak ta ahi.

1 KHANGTHU 5:22

Pathian melmate do a hiziak un duaisan a that puau hi. Sal ah pui mang ahi masiau zia gam ah chun a chêng den tau hi.

2 KHANGTHU 14:10

Asa chule amau do ding in a kuandok ah; tichun, Maresha mun ah Zephathah Phâijawl langtuak ah chun a kigual tau hi.

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

2 KHANGTHU 17:11

Philistinte lak ah khenkhatte chun, Jehoshaphat kiang ah thilpiak leh lei man ding dangkate le a hun piau ah; Arabte chunle belamchal sang sagi leh za sagi tawh, kêlchal sang sagi leh za sagi le a hung piau a.

2 KHANGTHU 20:1

Zia nung ah chun Moabte, Ammonte leh Meunte lakah khenkhat chu Jehoshaphat do dingin a hung kuan tau a.

2 KHANGTHU 21:16

Ethiopiate kiangah um, Philistin leh Arabte chu Jehoram do ding in Lalpa‘n a hun choktho ta’n.

2 KHANGTHU 25:8

Nanghaw ngei vakuan unla, vado ziang un; hangsan tak in gâl chu do ziang in; achutiloleh, Pathian in la gâlte âng ah hun mualphosak mai ding ahi; Pathian in a nop leh a hun panpi thei in, a nop leh hun panpi lo ziang thei ahi ngâl ah,” ti’n a vagen a.

SAM 18:29

Nangma jal in sepai hon ka nuaichimit ta’n; nang ka Pathian jal ma in bâng ka chopkhûp zo hi.

ISAI 14:29

Nang uh Philistin mi zosiate haw, nang uh jepna mol a bong tai ti’n lim ziang kiu in; gûlsuan ah kipat in gûlsia hung piang intin, ama ah kipat hung gadok kit chu, gûl meikuang lengthei hung hi nalai ding ahi ngal a, ti he tau in.

NASEPTE 26:22

Himaleh, Pathian panpina dong in, tu’ni hin la âng ah dingin, milian leh mineute kiang ah thu gen thei nalai in ka um ah, ka thugen chu Mosi leh Jawlneite’n thil tung ding a gen sekteu tilo chu bangma dang ahi diak puai: