2 KHANGTHU 26:20 - PATHIAN LEKHABU THIANGTHO (BSI)

²⁰ Thiampu lianpen Azariah leh thiampu dang haw zosia chun a vak et ua leh, a chalki ah phâk natna chu a mu chiat ziang tau a. Lalpa‘n a hun gawt phatin, kin tak in a nawdok un, ama le kin tak in a pawtdok tai.

2 KHANGTHU 26:20 ပူးပေါင်းရင်းမြစ်များ

2 KHANGTHU 26:19

Ziaphatchun, Uzziah chu a lungna ta’n. Gimtui hâlna thaumei, kithoina thillat hâlkuangna ding mei chu a chawi zing a. Thiampute chung ah a lungnat phatin, Lalpa In sung ah, gimtui mâichâm bul, thiampute umna mun ma ma ah chun a chalki in phâk natna a hung um ta mai a.

2 KHANGTHU 26:21

Lengpa Uzziah chu a thi tiang in phâk natna a vei tâk ziakin, In chuam ah koi in a um ta’n, Lalpa Insung ah a lut phal ahi ta paw ngâl ah. A chapa Jotham chu lengpa In sung ah mawpua’n a pang in, a gam sung ah mipite chung in vai a hawm tai.

EZRA 7:5

Abishua chapa, Pinehas chapa, Eleazar chapa, thiampu lal Aron chapa;

ESTHER 6:12

Ziazaw chun, Mordekai chu Lengpa kotkhak bul ah chun a hung kit ah, Haman ahileh chu lungngai tak leh puan kilukhu in a In lam ah kin tak in a chia kit tai.

THIAMPUTE LEKHABU 13:10

Thiampu’n a la en intin, a vun phualna leh a mul chu a vâm ah, a vun phualna chu a keu chun;

THIAMPUTE LEKHABU 14:34

“La lua ding ua ka tiam Kanaan gam la hung tun ua, chuleh, la luana gam ua, la In sung ngei ua phâk hî ka hun lênsak phat leh;

DAN LEKHABU 28:22

Lalpa chun, kumjawnna, khawsikna, vûnnatna, ti sat hut hutna, khawkhâlna, lung leh hisian hun gawt intin, la manthai masiau hun delzui in a.

DAN LEKHABU 28:35

Sukdam thei lo natna Lalpa‘n la khûp ua te, la keng ua te leh la kengpêk ah kipat la luvûm tiang un hun veisak in a.