2 KHANGTHU 26:18 - PATHIAN LEKHABU THIANGTHO (BSI)

¹⁸ Lengpa Uzziah chu a nang ham ham un, a kiang in, “Uzziah, nang in Lalpa kiang ah kithoina la lat ding ahi puai; Aron suan ah thiampu hi ding ah kilân thiangthote bep in Lalpa kiang ah kithoina ka lat diu a hi. Mun thiangtho ah kipat in pawtdok in; diklo tak in thil la bawl tai, Lalpa Pathian in hun ja lo ding ahi ngâl in,” ti’n a gen tau a.

2 KHANGTHU 26:18 ပူးပေါင်းရင်းမြစ်များ

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

2 KHANGTHU 30:7

la pu leh pateu leh la suanteu in la pu leh pateu Lalpa Pathian a la kilepsan ziak ua, a gam uh a la sukgam piak khawlaw gual un um kiu in la;

PAWTDAWNA THU 28:1

Ziaphat chuleh, la u Aron tawh, a chapa la kiang ah umte chu hun pui inla, Aron leh a chapate: Nadab leh Ithamarte chun Israel chate lak ah hin kei â ding ah thiampu na a septheina ding un.

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

KISIMNA LEKHABU 18:7

Himaleh, mâichâm leh puanjak nung lam ah thiampu nasep zosia chu nang leh la chapate kithua in la sêm ding uh ahi. Thiampu na hi thilpiak gual ah ka hun piak la hiu; pawlam mi a hun nai kha a um leh thalup ding ahi,” a tia.

KISIMNA LEKHABU 3:10

Ahi’n, Aron tawh a suante min khum inla, amau in thiampu na chu a etkol diu ahi; midang a hun nai a um chun la thalup ngâl diu ahi.

MATTHAI 10:18

ahi, keima ziakin vaihawmte leh lengte ma-âng ah, amau leh Jentelte kiang ah hiatsakna dingin hun pui in au.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

MATTHAI 14:4

Johan khan a kiang in, zia nu la kichenpi hi a thiang puai, a la ti ziakin;

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

1 KORINTH 5:5

Zia gual mi chu, a thagau Lalpa Jesu ni ah hukhin a hitheina dingin, a taksa chu himangthai dingin Setan kiang in pedok un.

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.

GALATIA 2:11

Kipha chu Antiok khua a hung lai in, demkâi tak ah a um ziak in a maichang ngei in ka kinialpi a.

HEBRAITE 5:4

Aron gual ah Pathian in a ko ahilo chun, kuama’n zia choihoina hi a kilâk ngai puau hi.

JAKOB 2:1

Ka suapite haw, mi doichuam nei tak ah um zing kawm in, I Lalpau Jesu Krista lopi tak chu la gingcha tak tak thei nau em?

JOSHUA 22:15

Gilead gam ah Reubente, Gadte leh Manasseh phung kimkhatte kiang a hung tun phat un, a kiang un,

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.