2 KHANGTHU 26:16 - PATHIAN LEKHABU THIANGTHO (BSI)

¹⁶ Himaleh, a hung hat phatin ama siatna ding bep in, a hung kiletsak ta’n. Lalpa a Pathian chung ah diklo tak ah thil hun bawl in, gimtui hâlna mâichâm ah Lalpa kiang ah kithoina lân dingin tempul ah chun a chia ta’n.

2 KHANGTHU 26:16 ပူးပေါင်းရင်းမြစ်များ

1 LENGTE 12:33

Ama ma chun a guat kawm, tha giatna ni sawm leh nga ni chun Bethel ah a mâichâm siam ah chun a vachia to ah; Israel mite â dingin kût pakhat a guat piak ah; tichun, mâichâm ah chun gimtui lân dingin a chia to tai.

1 LENGTE 13:1

Jeroboam chu mâichâm kiang ah gimtui lân ding ah a din lai tak in, Judai gam ah kipat in Pathian mi pakhat, Bethel ah Lalpa‘n a hun sawl a,

2 LENGTE 14:10

Edom chu la zo ziang ngut ta’n, la ngaitua na’n a hun suk-hat la hi. La lopina chu huntawk sa’n la, In ah um hiat hiat in; nang, Judah tawh la pukkhawmna ding bep ua bang ziak ah buaina ding kihawldaw gua la hem?” a tia.

2 LENGTE 15:5

Zia hun lai ah chun, Lalpa‘n lengpa chu a hun gawt ah, a thi tiang in a phâk zing ah, a chuam in a umsak ui. Ziaphatchun, lengpa chapa Jotham chu a gam pumpi leh a Inkuante zosia chung ah vaihawm in a pang tai.

2 KHANGTHU 12:1

Rehoboam in a lenggam a sukdet zaw ah a hung hat ma ma phatin, ama lam ah pang Israelte zosia chu tawh Lalpa dan chu a zui ta puau a.

2 KHANGTHU 25:19

Nang in kiletsak tak in, ‘Ngai in, Edom chu ka nuaisia tai,’ la ti hen. Tu’hin vang In ah kium hiat hiat mai ta’n aw; bang ding ah nangma leh Judah mipi zosia pukkhawmna ding bep ah kichok chok ding la hem?” ti’n a vagen sak tai.

2 KHANGTHU 26:15

Chuleh, mi khutthiamte chun Jerusalem ah chun khawl a hun siamdok un; ziate chu thalpi leh suangtumte gamla tak tak kâp thei dingin gâlven buk leh khawpi kul ning tin ah chun a koi un. Tichun, gamla tak tak in a min chu a hung kithang ta’n, a hung hat ma ma ziang masangsia chu lam dang takah panpi in a um ngâl tai.

2 KHANGTHU 27:2

A pa Uzziah gual in Lalpa mittung in thilpha a bawl ah, a pa gual in vang Lalpa tempul sung in a lut puai. Himaleh, a mipite chun vang thil mantheilo tak ah bawl uh chu a chîng zing nalai ui.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

THUPILTE 16:18

Kiletsakna chu manthaina masang in a chia a; lungthim kihoithawna chu kipukna masang in a chia hi.

DANIAL 11:12

Mi tam tak sal ah a pui mang lai in, a lungthim in kiletsak ma ma intin; chuleh, a mun sâng sawm sang za tawden ta’n a; himaleh, gual zo zing diak pua’n a.

DANIAL 8:8

Ziaphatchun, kêlchal chu a hung khanglian ah; himaleh, a thahât lai tak in a kî challang tak chu a hung bong ta’n; chuleh, a kî umna chun kî kilang tak mai pali, van ah hui palite lam ngat in a hung pawtdok kit tau a.

HABAKKUK 2:4

Chapote chu vak en tia! A thagau a sung un a dik ta puai; himaleh, midik chu a ginna ziakin a hing ui.

KISIMNA LEKHABU 16:1

Izhar chapa Korah, Levi suan ah thiampu Kohath phung ah mi leh, Reuben phung ah Eliab chapate Dathan tawh, Peleth chapa On tawh kithua in,

KISIMNA LEKHABU 16:18

Tichun, mi tin in a gimtui hâlna kuang ua meiâm luak chiat in, a chung ah gimtui buak khum in, Mosi tawh Aron kiang ah kikhopna biakbûk kotbul in a hun chawi chiat tau a.

KISIMNA LEKHABU 16:35

Chun, Lalpa ah kipat meikuang a hung pawt ah; zia chun gimtui lân ah um mi za ni leh sawmngate chule a hun kâng tum tai.

KISIMNA LEKHABU 16:7

Lalpa âng ah jing leh meiâm chung in gimtui koi un; tichun, Lalpa‘n a hun têl pen pen chu a thiangtho hiding ahi. Nanghaw Levi suante hin, la thilbawl uh a vâl talua tai!” ti’n a gen a.

KISIMNA LEKHABU 17:5

Chuleh, keima’n ka têl penpa tiangkhut chu hung seldok ding ahi; tichun, Israelte la chung ah a phunchiak zing ziang nau hi hi’bei ding ka hi,” a tia.

DAN LEKHABU 8:14

hung kingaisâng talua’n, Lalpa la Pathian uh, Aigupta gam ah suak leh sal tânna In ah kipat leh,

DAN LEKHABU 8:17

La lungthim un, “Zia hausakna zosia hi ka thilhitheina leh keima hâtna ziak ah ka chan ahi,” ti kiu in.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,