2 KHANGTHU 25:8 - PATHIAN LEKHABU THIANGTHO (BSI)

⁸ Nanghaw ngei vakuan unla, vado ziang un; hangsan tak in gâl chu do ziang in; achutiloleh, Pathian in la gâlte âng ah hun mualphosak mai ding ahi; Pathian in a nop leh a hun panpi thei in, a nop leh hun panpi lo ziang thei ahi ngâl ah,” ti’n a vagen a.

2 KHANGTHU 25:8 ပူးပေါင်းရင်းမြစ်များ

2 KHANGTHU 1:12

pilna leh hiatthiamna chu la kiang ah ka hun pia tai. Chuleh, la masang ah leng dang zosia leh la nung ah hung um nalai dingte zosia’n le a nei khak nai lo uh hausakna, nei leh lam leh ja’umna le hun piakbe ding ka hi,” ti’n a hun gen hi.

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

2 KHANGTHU 18:14

Mikaiah chu Lengpa kiang a hung tun phatin, lengpa chun a kiang in, “Mikaiah, Ramoth-gilead do ah kuan to ding ka hiu em kuan lo ding?” ti’n a dongah. Ama chun, “Kuan unla, vazo un; la khut un pûk ding a hiu,” ti’n a dawnhu a.

2 KHANGTHU 20:6

zia gual hin a hun genah: “Aw Lalpa, ka pu leh pateu Pathian, van ah Pathian hilo la hem? Khawvel ah nam tinte lenggam zosia chung ah vaihawm hilo la hem? Nangma khut ah thilhitheina leh hatna zo ding kuama a um puau hi.

2 KHANGTHU 26:7

Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

JOB LEKHABU 9:13

Pathian in a lungnatna chu, a mawk lak kit ziang sek pua’n, Rahab panpitute chu, a mai in a kûn suk tai.

SAM 20:7

Khenkhat in kângtalaite a suang un, khenkhat in sakolte a suang un, ei hawn vang I kisuanpiu chu, Lalpa I Pathian min uh ahi.

SAM 24:1

Lei chung leh a sung ah um zosia, khawvel leh a sung ah chêng zosia hitawh, Lalpa â ahi’n;

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

SAM 33:16

Lal hi a sepai hon tam ziak bep ah hukdaw a hipua’n; mi hat hile a thahât ziak bep ah hukdaw ahi diak puau hi.

SAM 62:11

Pathian in khatvei a gen ah; zia chu nivei ka he ta’n: thuneina chu Pathian â ahi’n,

SAM 89:43

A chemjam hiamte matna bei in la koi ta’n, kidona mun inle la panpi ta puai.

THUPILTE 10:22

Lalpa maljawlna chun a hihausa sek in, lungngaina a belap ngai puai.

THUGENTU 11:9

Aw khanglai, la khangdawng lai nikhua hin lim inla, la lên lai ni hin la lungthim chu hilim in. La lungthim doidan leh la mit mu nopdan ah chun chia in; ahi’n, zia haw zosia ah hin, Pathian in vaihawmna hun pui lût ding ahi ti hezing in.

THUGENTU 9:11

Chuleh, khawvel ah ka thil mu kit dang khat chu, kitaisiakna chu mi chan-gangte â ding bep ahi diak pua’n, kido’na chu mihâtte â ding mawng ahi diak pua’n; vaithum chule mipilte â ding bep ahi diak pua’n, hausakna le a hethiamte â ding bep ahi diak pua’n, doisakna le mi khutthiamte â ding bep ahi diak puai; a leng un hun lemchâng kibang tak ah piak ahi chiat ui.

HAGGAI 2:8

Dangka chu kei â ahi’n, sana chule kei â ahi, sepai honte Lalpa chun a tii.

MATTHAI 26:45

Ziazaw chun a hung kit ah, a nungzuite kiang ah chun, “Ipmu zing ah kichawl zing nalai ding la hiu em? En un, a hun hung tung ding ahi tai, Mihing Chapa hi migilote khut ah mat, ah um ding ahi tai.

DAN LEKHABU 8:18

Lalpa la Pathian uh hezing un; tu’ni a hun bawl piak gual hin, la pu leh pateu kiang ah a la kikam tiamna thuthung namdetna dingin, hausakna go leh gamte lakkhawm theina a hun pia ahi zaw ngâl a.

PHILIPPI 4:19

Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

VAIHAWMTE 7:7

Ziaphatchun, Lalpa‘n Gideon kiang in, “A khut ah tui luak ah dawn mi za thum te bep hun khenthâk piak ing ka tin, ziate khut ah chun Midiante chu hun pia ding ka hi. A dang cheng chu kile’kit tau hen,” a tia.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.