2 KHANGTHU 25:5 - PATHIAN LEKHABU THIANGTHO (BSI)

⁵ Amaziah in Judai gam ah mipite chu a ko khawm ah, Judah phung leh Benjamin phung ah mite chu, a phunggui dungzui un, sang khat pawl, za khat pawl ti’n a khenjak ah, ziate chung ah hotu dingte chu a guat piak chiat a. Kum sawmni ah kipat a chung lamte zosia chu nuai thum a simdok ah; ziate chu gâldo ah pang thei, chei leh phaw mang thei ngen kitêldok a hiu hi.

2 KHANGTHU 25:5 ပူးပေါင်းရင်းမြစ်များ

1 KHANGTHU 13:1

David in a sepai sang khat chung ah thuneite, za khat chung ah thuneite leh hotu zosia chu a ngaidan uh a dong chiat a.

1 KHANGTHU 27:1

Kum tung ah thasin ah kithâk thaw ah Lengpa nasêm ding, hun khat thu ah sîng ni leh sang li jel ah pang dingin, Israel nam zosia sung ah mite chu, a phung chiat ua upate, sang khat chung ah hotute leh za khat chung ah hotute chu zia gual hin a chan ding uh hawm piak a hiu:

2 KHANGTHU 11:1

Jerusalem khua lam ah Rehoboam a hung tun kit phatin, Israelte do ah Rehoboam lenggam la kit dingin, Judah leh Benjamin Inkuan lak ah kipat sepai hangsan deu deu mi nuai khat leh sîng giat a kaikhawm tau a.

2 KHANGTHU 14:7

Judai gam mipite kiang in zia gual hin a genah: “Zia khawpite hi bawlphai tiu in, kulpite ûmsak in, gâlven bûksângte siam hitiu in, kotpi leh thikjawlte zam hitiu; Lalpa I Pathian lung I hawl ziak un gam pumpi hi I khut ua ei piak ahi ngâl ah; ama lung I hawl un, ziaziakchun, kil tin ah gâlmuanna ei pia ta ahi,” ti in. Tichun, a hun bawlpha tau a, lamzang tak in a khawsa tau hi.

2 KHANGTHU 14:8

Asa chun Judah phung ah mi sepai nuai thum a nei ah, amau haw chu phawlian tak tak leh cheichate’n a kithuam un; chuleh, Benjamin phung ah mi sepai nuai ni leh sîng giat a nei in, amau chule phaw leh chemjamte’n a kithuam ui; zia haw zosia hi mihat minthang ngen a hiu.

2 KHANGTHU 25:6

Ziate bân ah chun, Israel gam ah mihat minthang le nuai khat zet chu dangka talent za khat in a goi hi.

2 KHANGTHU 26:13

Amau thupiak dungzui ah lengpa mêlmate do ah pang ziang thei, thilhithei leh hat tak tak ngen sepai nuai thum, sang sagi leh za nga a pang ui.

PAWTDAWNA THU 18:25

Mosi chun Israelte zosia lak ah kipat in mi matthei dawmte chu a têldok ah, amau chu mipite chung ah luchang in, sang khat chung ah te, za khat chung ah te, sawmnga chung ah te leh sawmkhat chung ah te vaihawm dingin a siam tai.

KISIMNA LEKHABU 1:3

Israelte lak ah gâldo thei, kum sawmni ah kipat chung lam mi sia chu sim in. Nangma tawh Aron in a pawl pawl ah la sim ua, la zik lut ding uh ahi.

1 SAMUEL 8:12

a khenkhatte chu sepai sang khat chung ah hotu dingte, sawmnga chung ah hotu ding bang in mang intin; a lak ua khenkhat chu a lou bawl ding, a bu-ât ding, a gâlvan bawl ding leh a sakol kângtalai siam ding bang in hun gawi ding ahi.