2 KHANGTHU 25:4 - PATHIAN LEKHABU THIANGTHO (BSI)

⁴ Mosi Dan Lekhabu ah, Lalpa thupiak, “Chate gitlona ziakin a pate chu thalup ngai hipua’n tin, nu leh pate gitlona ziakin a chateu le thalup ngai hipua’n au; mi tin chu amau gitlona ziak bep in a thi diu ahi,” ti zik ahi dungzui in, a chateu chu vang a that puai.

2 KHANGTHU 25:4 ပူးပေါင်းရင်းမြစ်များ

2 KHANGTHU 25:5

Amaziah in Judai gam ah mipite chu a ko khawm ah, Judah phung leh Benjamin phung ah mite chu, a phunggui dungzui un, sang khat pawl, za khat pawl ti’n a khenjak ah, ziate chung ah hotu dingte chu a guat piak chiat a. Kum sawmni ah kipat a chung lamte zosia chu nuai thum a simdok ah; ziate chu gâldo ah pang thei, chei leh phaw mang thei ngen kitêldok a hiu hi.

EZEKIEL 18:20

Thil phalo bawl pen chu a thi ding ahi. A nu leh pa gitlona ziakin a cha’n thuak pua’n tin, a cha ziakin a nu leh pa’n le thuak diak pua’n au; midik in a dik man mun tin, migilo in a gitlo man kipuak in a.

EZEKIEL 18:4

Mihing zosia hinna kei â ahi; nu leh pa hinna gual tho in chate hinna le kei â ahi: a gilo pen bep chu thiding ahi.

DAN LEKHABU 24:16

Chate gitlona ziakin a pa thalup ding a hipua’n, pate gitlona ziak ah le a chate thalup ding ahi diak puai; mi tin amau gitlona ziak bep ah amau thalup ding a hiu.