2 KHANGTHU 24:27 - PATHIAN LEKHABU THIANGTHO (BSI)

²⁷ A chate chanchin leh ama demna thute leh Pathian In a sak phat dante haw zosia chu Lengte Chanchin Hilchetna Lekhabu ah chun ziklut suak a hi. Chuleh, a chapa Amaziah chu a thasâng ah leng in a pang tai.

2 KHANGTHU 24:27 ပူးပေါင်းရင်းမြစ်များ

2 LENGTE 12:18

Judai gam ah Lengpa Jehoash chun Judah lengte, a suanpa Jehoshaphatte, Jehoram leh Ahaziah in a go lak ua kipat thilpiak a latdawsateu leh, ama go ah kipat a thilpiakte, Lalpa In leh lengpa In ah go koikhawmte, sana leh dangka zosia chu a la, ziate chu Aram Lengpa Hazael kiang in a thot tai. Ziaphatchun, Hazael in Jerusalem chu a do ta puai.

2 LENGTE 12:21

Ama chu a suakte, Shimmeath chapa Jozakar tawh Shomer chapa Jehozabad in a la khen pâi ua, a thi den tai. Ama chu David khawpi ah a pu leh pate thân in a vui tau hi; chun, a chapa Amaziah in a tha a hun sâng tai.

1 KHANGTHU 3:12

ama chapa chu Amaziah, ama chapa chu Azariah, ama chapa chu Jotham,

2 KHANGTHU 13:22

Abijah thilbawl zosia leh a umchan leh a sepdaw zosia chu, jawlnei Iddo Chanchin zikna Lekhabu chun zik lut ahi tai.

2 KHANGTHU 16:11

Asa thilbawlte chu a masa pen ah kipat a nunung pen tiang in, Judai gam leh Israel gam ah Lengte Chanchin zikna lekhabu chun zik lut vek in a um tai.

2 KHANGTHU 20:34

Tu’hin, Jehoshaphat sepdaw leh bawldaw dang dangte chu, a masa pen ah kipat a tawp tiang in, Israel Lengte Chanchin kizikna Lekhabu, Hanani chapa Jehu khangthu zikna lekhabu chun a kizik lut sik sek hi.

2 KHANGTHU 24:12

Lengpa tawh Jehoiada chun Lalpa In ah nasepna lam ah hotute kiang in a pedok un, ziate chu mang in Lalpa In siampha ding ah suangsêk thiamte leh mi khutthiamte a gawi un; tichun, Lalpa In bawlpha dingah thik leh sum-eng bawldan thiamte chule a gawi tau hi.

2 KHANGTHU 24:26

Ama tha’na ding ah vaisawmte chu: Ammon mi Shimeath chapa Zabad tawh, Moab mi Shimrith chapa Jehozabad a hiu hi.

2 KHANGTHU 25:1

Amaziah chun kum sawmni leh nga ahi in vai a hawm pan a, Jerusalem khua chun kum sawmni leh kua sung vai a hawm hi. A nu min chu Jehoaddan ahi’n, Jerusalem khua mi ahi.

2 KHANGTHU 9:29

Solomon thilbawl dang dangte chu a bul a kipat a tawp tiang in, jawlnei Nathan in a zik Chanchinbu leh, Shilon khua jawlnei Ahijah genlawkna lekhabu leh, thiamgau Iddo in Nebat chapa Jeroboam chungchâng ah kilâkna a mute a zikna lekhabu chun a kizik kimna hilo a hem?