2 KHANGTHU 24:25 - PATHIAN LEKHABU THIANGTHO (BSI)

²⁵ Nasa tak ah a liam nung in a gâlteu in a nusia tau ah, thiampu Jehoiada chapa a thâlup ziakin, a suakte chunle ama chu a lupna chung in a that tau hi. A thi phatin, David khawpi chun a vui tau ah, lengte thân in vang a vui puau hi.

2 KHANGTHU 24:25 ပူးပေါင်းရင်းမြစ်များ

1 LENGTE 15:27

Issakhar Inkuan ah mi, Ahijah chapa Baasha chun ama chu a do ah; chun, Baasha chun Philistinte gam channa, Gibbethon ah chun ama chu a that tai. Nadab leh Israel mi zosia’n Gibbethon chu a ûm kîmvêl tâk ziak un.

2 KHANGTHU 21:16

Ethiopiate kiangah um, Philistin leh Arabte chu Jehoram do ding in Lalpa‘n a hun choktho ta’n.

2 KHANGTHU 22:6

Aramte Lengpa Hazael a vado’na Ramah khua a valiamna sukdamna ding ngaitua in, Jezreel khua’n a kile’kit a. Chuleh, Ahab chapa Jehoram damlo entha dingin Judai gam ah Lengpa Jehoram chapa Ahaziah chu Jezreel khua’n a chia suk tai.

2 KHANGTHU 22:9

Ahaziah chule a hawl ah, ama chu Samaria khua kisêl lai chu a matdaw phat un, Jehu kiang in a hun pui un, a that tai. A vui un, “Ama hi a lungthim zosia ah Lalpa hawl sek Jehoshaphat tupa ahi,” a tiu a. Tichun, Ahaziah Inkuan chu lenggam ah vaihawm ding pakhatle a um ta puau hi.

2 KHANGTHU 24:16

Israelte â ding leh Pathian leh a In â ding ah thil a bawl phat ziak in, David khawpi chun lengte lakah vui ahi tai.

2 KHANGTHU 24:26

Ama tha’na ding ah vaisawmte chu: Ammon mi Shimeath chapa Zabad tawh, Moab mi Shimrith chapa Jehozabad a hiu hi.

2 KHANGTHU 25:27

Amaziah in Lalpa a kiheisan ah kipat in Jerusalem khua chun ama a gûk ah thalup gaw pawl a hung um tau a; tichun, Lakhish lam in a jam mang tai. Himaleh, Lakhish lam ah ama delzui ding a kisawl un, zia tak ah chun a vathat tau hi.

2 KHANGTHU 25:3

A lalna chu a sukdet zaw phatin, lengpa, a pa that ah a la pang a suakte chu a that a.

2 KHANGTHU 28:27

Ahaz chu a pu leh pate kiang in a ipmu ta’n, Jerusalem khawpi chun a vui tau a; Israel lengte kivuina thân ah chun vang a vui puau hi. A chapa Hezekiah chun a thasâng in vai a hawm tai.

SAM 10:14

Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

THUPUAN 16:6

Amau chun jawlneite leh mithiangthote thisan chu a la suau a, zia gûn chu mu tâk him a hiziak un, a dawn ding un thisan ma chu la pia ta ahi,” a ti ka he.