2 KHANGTHU 24:20 - PATHIAN LEKHABU THIANGTHO (BSI)

²⁰ Ziaphatchun, thiampu Jehoiada chapa Zekhariah chu Pathian thagau in a hun thuam ah; mipite muthei dingin a dingdok ah, a kiang un: “Pathian in zia gual hin a gen hi: Bang ding ah la lamzan theilo khawlawna hial ding ua Lalpa thupiakte botsia ziang la hiu em? Lalpa chu la kihei mangsan tâk ziak un, ama’nle a hun kiheimangsan ta a hi, a tii,” ti’n a gen a.

2 KHANGTHU 24:20 ပူးပေါင်းရင်းမြစ်များ

1 KHANGTHU 12:18

Ziaphatchun, Sawmthumte lak ah hotu Amasai chu thagau in a hun thuam ah, zia gual hin a hun gen tai: “Aw David, nang â ka hiu hi; Aw Jesse chapa, nang lam ah pang ka hiu! La chung ah thamuanna, thamuanna tung ta hen la, nang hun panpite chung inle thamuanna tung ta hen! La Pathian chu a hun panpipa ahi ngâl a,” ti in.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 12:5

Ziaphatchun, jawlnei Shemaiah chu Rehoboam tawh Judah mipi hotute, Shishak lau ziak ah Jerusalem khua hung khawmte kiang ah chia in, a kiang un: “Lalpa chun zia gual hin a gen hi: Lei kihei mangsan zaw tak ziak un ke’nle Shishak khut ah um dingin ka hun nusia ngâl la hiu,” ti’n a gen a.

2 KHANGTHU 20:14

Zia lai tak ah chun mipi kikhawmte lak ah mi pakhat, Asaph suan ah Levi mi, Mattania chapa, Jeiel chapa, Benaiah chapa, Zekhariah chapa Jahaziel chung in Lalpa thagau a hung chu ta maiah.

2 KHANGTHU 23:11

Ziaphatchun, lengpa chapa chu a hun puidok ah, lallukhuk a khuk sak ah, thuthung chu a hun pia tai; Leng hiding in a puang tau ah, Jehoiada leh a chate chun sathau a nu’ tau a; tichun, “Lengpa Damsawt hen!” ti’n a kiko chiat tau hi.

2 KHANGTHU 24:24

Aram sepaite chu tawmcha hi maleu, Lalpa‘n a pu leh pateu Pathian, Lalpa chu a kiheimangsan ziak un, a khut un sepai tam takte chu a pedok ta ahi. Tichun, Joash chu a gawt tai.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

2 KHANGTHU 29:8

Ziaziakchun, Judai gam leh Jerusalem khua chung in Lalpa a lungna ta’n; tichun, tu’ni la mu gual un, mite tizat, maksak leh simmaw in a umsak ta’n ahi.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 26:2

Lalpa‘n zia gual hin a hun gen a: Lalpa In huang sung ah dingin la, Lalpa In ah Pathian ho ding ah hung kuan, Judai gam sung ah khawpite zosia ah kipat hungkhawmte kiang in gen in; ka thu hun piak zosia chu a kiang un gen inla, thumal khat le la îm lo ding ahi.

JEREMIAH 4:18

La nunchan leh la thilbawl dungzui un, zia thilte hi la chung ua tung ahi; zia chu la siatnau ahi tai. A thok hak nalawm lawm e! La lungchang a sunthil hial ta hi,” ti in.

JEREMIAH 5:19

Chuleh, la mipite’n bang ding ah, Lalpa I Pathian un zia zosia hi, I chung ua hun tunsak ahi dia aw? ti ah a hun dot phat ua leh a kiang un, “Keima ei nusia in, la gam sung un pathian dangte lei hosan tâk ziak un; la gam uh hilo ah chun, nam dangte na sep piak ta’n lau,” ti’n gen in a tii.

JEREMIAH 5:25

La mantheilonau chun ziate chu a naw mang zo ta’n; la gitlonateu ziakin, thilpha la mu dingteu chu a naw mang zo tai.

AMOS 5:10

Kul kotkhak ah zilgaipa chu a huau a, thudik genpa chu a ki’dak ui.

KISIMNA LEKHABU 14:41

Ahi’n, Mosi’n, “Bang ding ah Lalpa thupiak botsia nalai lai la hiu em? Zia chung thu ah hin lawting lo ding la hiu.

MATTHAI 23:35

tichun, midik Abel thisan ah kipat Barakia chapa Zekhariah, mâichâm leh mun thiangtho kikâl ah la thau thisan la sua zosiau kha, nangmau chung ah hung chu ding ahi.

LUKA 11:51

Abel thisan ah kipat, mâichâm leh mun thiangtho kikâl ah Zekhariah thisan kisua tiang in, tu’lai khangthakte chung ah hin kiphût ding a hi.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

VAIHAWMTE 6:34

Himaleh, Lalpa thagau in Gideon chu a thuam ta’n; tichun, pengkul a mût ah, Abiezar phung ah mite chu a nungzui dingin a ko khawm tai.