2 KHANGTHU 24:10 - PATHIAN LEKHABU THIANGTHO (BSI)

¹⁰ A hotuteu hi’n, mipite hileu, a kipak ma mau ah, amau piak ding bituk gual chiat in a hun pekhawm un, zia thingkuang chu a dim hial masia chu a sung lut zung zung ziang tau hi.

2 KHANGTHU 24:10 ပူးပေါင်းရင်းမြစ်များ

1 KHANGTHU 29:9

ziaphatchun, zia mite chun kiphal tak ah a piak ziak uh leh, Lalpa a ding ah lung kigual takah a piak ziak un mipite chu a kipak ma mau ah; Lengpa David chule a kipak ma ma ziang hi.

2 KHANGTHU 24:11

Dangka tam tak a um tai ti a het phat ua leh Levite chun lengpa miliante kiang in a hun paw lut un, lengpa lekhazikte leh thiampute lak ah hotute chu hung lut in, thingkuang chu hong in a ladok sek un; ziazaw phat chuleh a koina mun lam in a thak kit sek ui. Tichun, nisi’n in zia gual chun a bawl sek un, paisa tam tak a lakhawm tau hi.

2 KHANGTHU 24:9

Gamthip ah Pathian in Israel mipite bawl ding dan ah a suak Mosi’n a bituk ding ua a guat dungzui ua, Lalpa â ding ah hun pekhawm dingin Judai gam zosia leh Jerusalem ah chun thu a than velsak tau a.

ISAI 64:5

Thanuam tak ah thil dik tak bawlte leh, la lampite ah nangma hun hezingte chu, nang in la kituakpi sek hi. Ngaitia, ka gilo tau a, nang la lung a na’n, lei kihei mangsan ziakin, ka la chawn khial tau ahi.

2 KORINTH 8:2

haksatna nasa tak a tuak lai un, a chatganau huaisia leh a kipaknau nasa tak chu amau lak ah kiphalna luanglet a hung hi khawlaw dante kha.

2 KORINTH 9:7

Mi zosia’n phal lo sa sa’n pawngchangsan ah piak ding ah ngai ah pia hilo in, lunggil ah a tup gual un pechiat uh hen; kipak tak ah pete chu Pathian in a kipakpi hi.