2 KHANGTHU 23:3 - PATHIAN LEKHABU THIANGTHO (BSI)

³ Mipi hung khawmte chun Pathian In sung ah chun Lengpa tawh thuthung a siam tau a. Jehoiada chun a kiang un: “Zia hin lengpa chapa a um hi! David suan ah mite chun vai a hawm diu ahi, ti Lalpa‘n thutiam a la bawl dungzui in, ama hi vaihawmsak hitiu.

2 KHANGTHU 23:3 ပူးပေါင်းရင်းမြစ်များ

2 SAMUEL 5:3

Tichun, Israel upate zosia chu Hebron ah lengpa kiang in a hung ua; Hebron ah chun Lengpa David in Lalpa ma-âng in a kiang un thuthung a siam tai; chuleh, amau inle David chu Israelte chung ah leng ah pang dingin sathau a nu’ tau hi.

2 SAMUEL 7:12

La dam sung nikhua a hung butin ah, la pu leh pate kiang ah la i-mut tak leh, la nung ah um ding suan leh pâkte hun pia’ng ka tin, nangma khâlbe ma ma ah kipat hung piang chun a lenggam hun sudet ding ahi.

2 SAMUEL 7:16

La Insung leh la lenggamte chu ka ma-âng ah hin sukdet hi’ntin, la lalchutpha chu kumtuang dai dingin namdet ta ding ka hi,” ti in.

1 LENGTE 2:4

Lalpa‘n ka chungchâng thu ah, ‘La chateu in a hinna zosiau leh a lunggil zosiau tawh, ka âng ah thutak ah a um ua, a umdan uh a chit thei uh chun, Israelte lalchutpha chung ah kichu ding mi tasam pua’n la,’ a ti thu a sutzop theina ding in,” a tia.

1 LENGTE 9:5

la pa David kiang ah ka la thutep, ‘Israel lalchutpha ah kichu ding la nung ah mi tasam pua’n la,’ ka ti gual in, Israel chung ah la lalna lalchutpha kumtuang dai dingin phudet ding ka hi,” a tia.

2 LENGTE 11:17

Jehoiada chun, Lalpa leh lengpa, chuleh mipite kikâl in leng ahi’na ding thuthung a bawl ta’n, amau chu Lalpa mite ahi’na ding un.

1 KHANGTHU 11:3

Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

2 KHANGTHU 21:7

Himaleh, David kiangah thuthung a siam ziak leh, ama leh a suante tiang ah vaihawm ah pang zing ding a la tiam tâk ziakin, Lalpa‘n David Inkuan chu a sumangthai ziang nuam tadi puai.

2 KHANGTHU 23:16

Jehoiada chun mipite tawh lengpa chu a leng ua Lalpa mipite hi chiat dingin thuthung a siam tai.

2 KHANGTHU 6:16

Aw Lalpa, Israelte Pathian! La suakpa, ka pa David kiang in, La chate chun nangma gual ah ka lampite chingthei tak ah a zui ua, a lampiteu a zuikhial lo ua leh, nangma golua ah Israelte lalchutpha kichu ding mi tasam lo ding la hi, ti ah la la thutiamsa kha vopdet zing inla;

2 KHANGTHU 7:18

la pa David kiang ah, Israelte chung ah vaihawm ah pang ding, suan leh pâk tasam pua’n la, tiah thuthung ka la siam dungzui in, la lenggam lalchutpha hi sudet ding ka hi,” a tia.

SAM 89:29

A suante chu kumkhua’n umsak ing ka tin, a lalchutpha chu vante a um laisia umsak ding ka hi.

SAM 89:36

A chisuante chu kumkhua’n um zing intiu in, a lalchutpha ka ma-âng ah, nisa gual in um zing ding ahi.